Sección 126
Rrevelasiõ oñeme’ẽva’ekue José Smith upe Proféta rupive, Brigham Young rógape, Nauvoo, Illinois-pe, julio 9, 1841-pe. Upe ára, Brigham Young ha’ékuri Kórum Dóse Apóstolesgua Presidente.
1–3, Oñemomorã Brigham Young-pe hembiapóre ha ojerreleva chupe oje’ói hag̃ua tetã ambuére ára oútavape.
1 Hermano rejehayhuetéva Brigham Young, añetehápe, péicha he’i ndéve Ñandejára: Brigham, che rembiguái, ndojejerurevéima ndéve reheja hag̃ua nde rogayguakuéra ára ohasava’ekuepeguáicha, amboajégui ne ñeme’ẽmby.
2 Che ahechákuri ne rembiapo ha mba’éichapa reñeha’ã umi ndeje’óipe che rérape.
3 Upévare, Che amanda ndéve remondo hag̃ua che ñe’ẽ opárupi, ha reñangareko porã hag̃ua nde rogayguakuérare, ko’ág̃a guive tenondeve gotyo ha akoiete g̃uarã. Amén.