Sección 125
Rrevelasiõ oñeme’ẽva’ekue José Smith upe Proféta rupive, Nauvoo, Illinois-pe, marzo 1841-pe, santokuéra Iowa-gua território rehegua.
1–4, Santokuéra omopu’ava’erã tavakuéra ha oñembaytyva’erã umi Sion estákape.
1 Mba’épa Ñandejára rembipota santokuéra Iowa territorio rehegua rehe?
2 Añetehápe, péicha he’i Ñandejára peẽme, umi che réra ogueraháva ha oñeha’ãvahína ha’e hag̃ua che santokuéra, ojaposéramo hikuái che rembipota ha oñongatuse che rembiapoukapykuéra umíva rehegua, toñembyaty hikuái umi tenda Che ahechaukátavape chupekuéra, che rembiguái José rupive, ha tomopu’ã tavakuéra che rérape, oĩ hag̃ua ñembosako’ípe hikuái, upe oñeñongatúvape peteĩ ára oútavape g̃uarã.
3 Tomopu’ã hikuái peteĩ táva che rérape upe yvy ári oĩva Nauvoo táva renondépe, ha toñembohéra Zarahemla.
4 Ha umi oúva kuarahyresẽ, kuarahyreike, norte ha sur-gui, ha oikóseva ipype, tomoĩ peteĩ ijehejapyre ipype, ha péicha avei Nashville távape, térã Nauvoo távape, ha opa estáka Che ahechauka haguépe, he’i Ñandejára.