Sección 9
Rrevelasiõ oñeme’ẽva’ekue José Smith upe Proféta rupive, Oliver Cowdery-pe, Harmony, Pensilvania, Abril 1829-pe. Oñeñemoñe’ẽ Oliver-pe ipy’aguapy hag̃ua ha oñemokyre’ỹ chupe ovy’a hag̃ua ohaívo, sapy’ami, pe mbohasahára he’íva chupe, oñeha’ã rangue ombohasa.
1–6, Oñembohasava’erã gueteri ambue jehaipyre yma; 7–14, Mormón Kuatiañe’ẽ oñembohasa ñemoarandu ha konfirmasiõ espiritual rupive.
1 Péina ápe, Che ha’e ndéve, che ra’y, nerembohasái haguére pe chehegui reipota haguéicha, ha reñepyrũ jeýgui rehai che rembiguái José Smith, upe ta’ýrape g̃uarã, jepeve péicha aipota rejapo meme, rejapopa peve ko jehaipyre chupe ame’ẽva’ekue.
2 Ha upérõ, péina ápe, ambue jehaipyre aguereko, ame’ẽtava ndéve pu’aka reipytyvõ hag̃ua oñembohasa.
3 Eha’arõkuaáke, che ra’y, ha’égui che arandúpe, ha naiporãi nde rembohasa ko’ag̃aite.
4 Péina ápe, tembiapo reñehenóivape ha’e rehai hag̃ua che rembiguái José-pe g̃uarã.
5 Ha péina ápe, nderejapo meméigui reñepyrũrõguaréicha, rembohasa ypyrõguare, aipe’ákuri ndehegui ko priviléhio.
6 Aníke rekaguai, che ra’y, ha’égui che arandúpe péicha ajapókuri nendive.
7 Péina ápe, nereikũmbýikuri; reimo’ã che ame’ẽtaha ndéve, ha nerepensái ỹrõ rejerurénte hag̃ua chéve.
8 Ha katu, péina ápe, Che ha’e ndéve, ejepy’amongetava’erã hese ne akãme; upérõ eporanduva’erã chéve oĩporãpa, ha oĩporãrõ, ambyaku asýta ndepyti’a ndepype; upévare, reñandúta oĩporãha.
9 Ha katu noĩporãirõ, nereñandumo’ãi upéva, oúta katu ne akã kangýta nembyesaráitava upe oĩvaíva; upévare, ndaikatúi rehai pe imarangatúva oñeme’ẽ’ỹrõ ndéve chehegui.
10 Ko’ág̃a, reikuaárire kóva, ikatútakuri embohasa; upevére, naiporãi embohasa ko’ág̃a.
11 Péina ápe, reñepyrũrõguare oĩporãkuri; ha katu rekyhyje, ha pe ára ohasáma, ha ko’ág̃a naiporãvéima.
12 Nderehecháipa ame’ẽhague che rembiguái José-pe heta mbarete ha péicha rupi ko’ãva oñemyengoviaha? Ha avave peẽme napokondenái.
13 Ejapo ko mba’e amandava’ekue ndéve, ha reñakarapu’ãta. Ndejeroviarekóke, ha ani re’a jeipy’ara’ãme.
14 Epyta ñemova’ỹme tembiapo rohenói haguépe, ha ni peteĩ ne akãrague nokañymo’ãi, ha reñemopu’ãta ára pahápe. Amén.