Sección 4
Rrevelasiõ oñeme’ẽva’ekue José Smith upe Proféta rupive, itúva Joseph Smith-pe, upe túva, Harmony, Pensilvania, Febrero 1829-pe.
1–4, Py’aguasúpe ñeipytyvõ osalva Ñandejára rembiguaikuéra; 5–6, Tupãmegua atrivúto okalifika chupekuéra ministeriorã; 7, Ojehekava’erã umi mba’e Tupã reheguáva.
1 Ko’ág̃a péina ápe, peteĩ tembiapo hechapyrãva oĩma osẽ hag̃uáicha yvypóra ra’ykuéra apytépe.
2 Upévare, O peẽ peikeséva Tupã servísiope, pema’ẽke tapeservi chupe opa pene korasõ, ánga, apytu’ũ ha mbarete reheve, peime hag̃ua angaipa’ỹre Tupã renondépe ára pahápe.
3 Upévare, Tupãme peserviséramo peñehenói tembiapópe;
4 Péina ápe, ñu morotĩma ñemono’õra; ha péicha, omoigéva ikysekarapã imbaretépe, péva oñongatu ijupe g̃uarã ha noñehundíri, ha katu ogueru salvasiõ hi’ángape g̃uarã;
5 Ha jerovia, ñeha’arõkuaa, karida ha mborayhu, Tupã glóriarente oma’ẽramo, okalifikáma chupe tembiaporã.
6 Penemandu’áke, peguereko hag̃ua jerovia, virtu, kuaapy, akãguapy, jejahei’ỹ, mborayhu tapicháre, tekoporã, karida, ñemomirĩ, jesareko.
7 Pejerure, ha oñeme’ẽta peẽme; pembota, ha ojepe’áta peẽme. Amén