Sección 22
Rrevelasiõ oñeme’ẽva’ekue José Smith upe Proféta rupive, Manchester, Nueva York, Abril 16, 1830-pe. Ko rrevelasiõ oñeme’ẽ Tupaópe oĩ haguére tapicha oñemongaraimava’ekue ojoajuséva Tupaóre oñemongarai jey ỹre.
1, Ñemongarai ha’e peteĩ konvénio pyahu ha opave’ỹva; 2–4, Oñeikotevẽ ñemongarai ojeautorisáva.
1 Péina ápe, Che ha’e peẽme, ambopahahague opa umi konvénio tuja ko mba’épe; ha kóva ha’e peteĩ konvénio pyahu ha opave’ỹva, jepe ha’eva’ekue iñepyrũ guive.
2 Upévare, peteĩ tapicha oñemongaraírõ jepe cien vese, ndovaléi mba’eve chupe g̃uarã, ndaikatúigui peike pe okẽ ipyrusu’íva rupi Moisés léi rupive, ni pene rembiapo manombyre rupive.
3 Ha umi pene rembiapo manombyre rupi che amopu’ãukákuri chéve g̃uarã, ko konvénio paha ha ko tupao, ára ymaguaréicha jepe.
4 Upévare, peike pe okẽ rupi, che amanda haguéicha, ha ani peñemonẽ’ẽse pende Tupãme. Amén.