Sección 74
Rrevelasiõ oñeme’ẽva’ekue José Smith upe Profétape, Wayne kondádo, Nueva York-pe, 1830-pe. Jepeve Tupao oñemohenda mboyve, oĩkuri porandu mba’éichapa iporã ojejapo ñemongarai, ha upéva rupi, Proféta oporandu upe mba’e rehegua. José Smith rembiasakuépe oje’e, ko rrevelasiõ ha’eha peteĩ ñemyesakã 1 Corintios 7:14-gui, peteĩ escritura pehẽ py’ỹi ojeporu’akue ojehustifika hag̃ua umi mitã michĩ ñemongarai.
1–5, Pablo oñemoñe’ẽ Tupao hi’araguápe ani hag̃ua ojapo Moisés léi; 6–7, Mitã michĩva imarangatu ha oñesantifika Expiasiõ rupive.
1 Pe ména oguerovia’ỹva oñesantifika hembireko rupive, ha pe kuña oguerovia’ỹva oñesantifika iména rupive; upeicha’ỹrõ, pene mitãnguéra iky’ava’erãmo’ã, ko’ág̃a katu sántoma hikuái.
2 Ko’ág̃a, apostolkuéra árape, oñeñongatu’akue sirkunsisiõ léi, mayma hudiokuéra oguerovia’ỹva Jesucristo evanhélio apytépe.
3 Ha ojehúkuri oiko tuicha ñorairõ tavayguakuéra apytépe, sirkunsisiõ léire, pe ména oguerovia’ỹva oipotágui imitãnguéra oñesirkunsida, ha toñongatu Moisés léi, oñekumplimava’ekue.
4 Ha ojehúkuri umi mitã, oñemongakuaávo Moisés léi ñe’ẽrendúpe, ojegueraha ituvakuéra jepokuaáre, ha ndogueroviái Cristo evanhélio, ha upéva rupi naimarangatúi hikuái.
5 Upévare, kóva rupi pe apóstol ohaiva’ekue tupaoguakuérape, ome’ẽvo chupekuéra peteĩ tembiapoukapy, ndaha’éi Ñandejáragui, ha katu ijehegui, pe ogueroviáva ani hag̃ua ojoaju peteĩ oguerovia’ỹvare; ndaha’éiramo oñembopa Moisés léi ijapytepekuéra,
6 Imitãnguéra opyta hag̃ua oñesirkunsida’ỹre; ha oñembopaha hag̃ua jepokuaaha he’íva, umi mitã michĩ naimarangatuiha; oĩguikuri umíva hudiokuéra apytépe;
7 Ha katu umi mitã michĩva ha’e sánto, oñesantifikágui Jesucristo expiasiõ rupive; ha kóva ha’e umi escritura he’iséva.