Sección 89
Rrevelasiõ oñemeʼẽvaʼekue José Smith upe Proféta rupive, Kirtland, Ohio-pe, febrero 27, 1833-pe. Oĩgui haguére upe époka hermano-kuéra oipurúva petỹ iñembyatyhápe, opyʼamongeta Profétape ko mbaʼére; ha upévare oporandu Ñandejárape kóvare. Ko rrevelasiõ, ojeikuaáva Arandu Ñeʼẽ ramo, haʼékuri upe rresultádo.
1–9, Oñembotove víno jeiporu, petỹ, vevída imbaretéva, ha vevída aku; 10–17, Oñemoĩ umi kaʼavo, yva, soʼo ha yvaraʼỹikuéra yvypóra ha mymbakuéra jeiporurã; 18–21, Evanhélio léire ñeʼẽrendu ha Arandu Ñeʼẽre avei, ogueru umi jehovasa temporal ha espiritual.
1 Peteĩ Arandu Ñeʼẽ, sumo sacerdote-kuéra konsého ñeimeporãrã, oñembyatýva Kirtland-pe, ha tupaópe, ha avei santokuéra Sion-gua.
2 Oñemondo hag̃ua ñemomaitei rupive; ndahaʼéi tembiapoukapy térã mbarete rupive, ha katu rrevelasiõ ha upe arandu ñeʼẽ rupive, ohechaukávo orden ha Tupã rembipota opa santokuéra ára pahapegua salvasiõ temporal-pe—
3 Oñemeʼẽva peteĩ principio ramo promésa reheve, oñemohendáva opa santokuéra ikangýva ha ikangyvéva katupyrýpecha, haʼéva térã oñehenoikuaáva santo.
4 Péina ápe, añetehápe, péicha heʼi peẽme Ñandejára: Umi tembiapoñaña ha plan ñaña oĩva ha oĩtava rupi tekovekuéra hembiapoñemíva korasõme umi ára pahápe, Che poamonestákuri ha pohesapeʼa, ameʼẽvo peẽme ko arandu ñeʼẽ, rrevelasiõ rupive—
5 Oĩramo pende apytépe omboyʼúva víno térã guaripóla, péina ápe, kóva naiporãi ni noĩporãiri pende Ru resa renondépe, ndahaʼéirõ peñembyaty jave peikuaveʼẽ hag̃ua pene sacramento henondépe.
6 Ha, péina ápe, kóva haʼevaʼerã víno, héẽ, víno parralʼágui apopyre, peẽ pejapovaʼekue.
7 Ha avei, umi guaripóla ndahaʼéi ñande pyʼápe g̃uarã, ha katu ñande rete jejoheirã.
8 Ha avei, petỹ ndahaʼéi tetépe g̃uarã, ni pyʼápe g̃uarã, ha na iporãi yvypórape g̃uarã, ha katu kóva haʼe peteĩ kaʼavo jajegolpearõ g̃uarã ha opa mymba hasývape g̃uarã, ojeporuvaʼerã akãguapy ha katupyrýpe.
9 Ha avei, umi guaripóla ndahaʼéi tete térã pyʼápe g̃uarã.
10 Ha avei, añetehápe Che haʼe peẽme, Tupã omoĩhague opa kaʼavo porã yvypóra rete ñemombarete, resãi ha jeiporurã—
11 Opa kaʼavo hiʼaraitépe, ha opa yva hiʼaraitépe; opa koʼãva ojeporu hag̃ua akãguapy ha aguyjemeʼẽme.
12 Héẽ, avei mymbakuéra roʼo ha yvyturegua guyrakuéra, Che, Ñandejára, amoĩʼakue yvypóra jeiporurã, aguyjemeʼẽ reheve; upevére, ojeporuʼarã ñemboharaiʼỹre;
13 Ha che arohory ani hag̃ua ojeporu umíva, araroʼýpe añónte, térã roʼy, térã ñembyahýi árape.
14 Opa yvaraʼỹi oñemoĩʼakue yvypóra ha mymbakuéra oiporu hag̃ua, oikove hag̃ua hikuái; ndahaʼéi yvypórape g̃uarã añónte, ha katu umi ñumegua mymba, yvyturegua guyra, ha opa mymba kaʼaguy oñaníva térã yvýre otyryrývape g̃uarã.
15 Ha koʼãvape Tupã ojapoʼakue yvypóra jeiporurã, ñembyahýi ha vareʼa vai árape añónte.
16 Opa yvaraʼỹi iporã yvypórape oñemongaru hag̃ua; ha avei upe parralty rykue; umi hiʼáva, tahaʼe yvy guýpe térã yvy ári—
17 Upevére, trígo yvypórape g̃uarã, avati guéipe g̃uarã, avéna kavajúpe g̃uarã, senténo umi guyra, kure ha opa ñumegua mymbakuérape g̃uarã, ha seváda opa mymba ojeporukuaávape g̃uarã ha vevída imbareteʼỹvape g̃uarã, ha péicha avei ambue yvyraʼỹinguéra.
18 Ha opa santokuéra imanduʼáva oñongatu ha ojapo hag̃ua koʼã mbaʼe, oikóvo ñeʼẽrendúpe tembiapoukapykuérare, ohupytýta tesãi ipuruʼãme ha karaku ikanguépe;
19 Ha ojuhúta arandu ha umi ñeikũmby rehegua mbaʼerepy guasu, jepeve umi mbaʼerepy ñemimby.
20 Ha oñaníta ijukuʼaʼỹre, ha oguatáta ikangyʼỹre.
21 Ha Che, Ñandejára, apromete peẽme, pe ánhel oporohundíva ohasataha ijypypekuéra, Israel raʼykuéraicha, ha ndojukamoʼãi chupekuéra. Amén.