Sección 80
Rrevelasiõ oñeme’ẽva’ekue José Smith upe Proféta rupive Stephen Burnett-pe, Hiram, Ohio-pe, marzo 7, 1832-pe.
1–5, Stephen Burnett ha Eden Smith-pe oñehenói ombo’e hag̃ua oimeraẽ tenda ha’ekuéra oiporavohápe.
1 Añetehápe, péicha he’i ndéve Ñandejára, che rembiguái Stepehn Burnett: Tereho, tereho mundogua apytépe ha embo’e evanhélio, mayma tekove og̃uahẽvape ne ñe’ẽpu ryapu.
2 Ha reipotágui peteĩ irũ, Che ame’ẽta ndéve che rembiguái Eden Smith.
3 Upévare, tapeho ha pembo’e che evanhélio, taha’e norte térã sur gotyo, kuarahyresẽ térã kuarahyreike gotyo, mba’eve ndoikói, ndaikatumo’ãigui pejavy.
4 Upévare, pemombe’u umi mba’e pehenduva’ekue ha peguerovia añetéva, ha peikuaáva añeteguaha.
5 Péina ápe, kóva ha’e upe penerenoiva’ekue rembipota, pene Redentor, jepeve Jesucristo. Amén.