Sección 129
Ñehekombo’ekuéra ome’ẽva’ekue José Smith upe Proféta rupive, Nauvoo, Illinois-pe, febrero 9, 1843-pe, ojeikuaaukahápe mbohapy kláve ikatuha rupi ojehechakuaa umi ánhel ha espíritu ministránte naturalésa añete.
1–3, Yvágape oĩ tete oikovejeyva’ekue ha tete espiritualva; 4–9, Oñeme’ẽ umi lláve ikatúva rupi ojekuaa maranduharakuéra ha’éva vélo mboypyrigua.
1 Oĩ mokõichagua tekove yvágape, ha’éva: Anhelkuéra, umi tekove oikovejeyva’ekue, oguerekóva peteĩ tete ho’o ha ikanguéva—
2 Péicha, Jesús he’íkuri: Peñandu ha pehecha; peteĩ espíritu ndaho’ói ni naikanguéigui, pehechaháicha che aguereko.
3 Mokõiha: Umi tekove ijojáva espíritu oñemoĩporãmbava’ekue, umi ndoikoveijeýva, ha katu ojehejapyrévape peteĩchagua glória.
4 Ou vove peteĩ maranduhára he’ívo oguerekoha peteĩ marandu Tupãgui, eipyso chupe nde po ha ejerure chupe tandepopyhy.
5 Ha’éramo peteĩ ánhel, ha’e ojapóta, ha reñandúta ipo.
6 Ha’éramo peteĩ tekove ijojáva oñemoĩporãmbapyréva, ha’e oúta iglóriape; péicha añónte ikatúgui ojekuaa—
7 Ejerure chupe tandepopyhy, ha katu nomyimo’ãi, oñemoĩgui yvagagua órden rehe peteĩ tekove hekojojáva oporombotavy; ha katu, ha’e he’íta gueteri imarandu.
8 Ha’éramo pe aña, peteĩ ánhel ohesapévaicha, ejerurévo chupe tandepopyhy, oikuaave’ẽta ndéve ipo, ha katu nereñandumo’ãi mba’eve; péicha reikuaáta chupe.
9 Ko’ãva ha’e mbohapy kláve guasu ikatuha rupi reikuaa oúpa Tupãgui peteĩ administrasiõ.