Sección 79
Rrevelasiõ oñemeʼvaʼekue José Smith upe Proféta rupive, Hiram, Ohio-pe, marzo 1832-pe.
1–4, Jared Carter oñehenói omboʼe hag̃ua pe evahélio Moangapyhyhára rupive.
1 Añetehápe Che haʼe ndéve, haʼeha che rembipota, che rembiguái Jared Carter toho jey kuarahyresẽmegua tetãnguérape, peteĩ tendágui ambuévape, ha peteĩ távagui ambue távape, ordenasiõ oñeʼordenahague puʼaka rupive, omomarandu hag̃ua vyʼapavẽ mbaʼeporã pyahu, jepeve pe evanhélio opaveʼỹva.
2 Ha che omboúta hiʼári pe Moangapyhyhára, omboʼétava chupe añetegua, ha pe tape ohovaʼerãháme;
3 Ha ijeroviarekóramo, Che akorona jeýta chupe umi ñemonoʼõmbyre reheve.
4 Upévare, tahory ne korasõ, che rembiguái Jared Carter, ha ani rekyhyje, heʼi ne Ñandejára, jepe Jesucristo. Amén.