Sección 118
Rrevelasiõ oñemeʼẽvaʼekue José Smith upe Proféta rupive, Far West, Misuri-pe, julio 8, 1838-pe, oñembohováivo pe jerure: “Ehechauka oréve, O Ñandejára, ne rembipota umi Dóse reheguávape”.
1–3, Ñandejára omeʼẽta umi Dóse rogayguakuérape g̃uarã; 4–6, Oñemyenyhẽ tenda nandi oĩvaʼekue Cuórum de los Doce-pe.
1 Añetehápe, péicha heʼi Ñandejára: Tojejapo peteĩ conferencia koʼag̃aite; toñemohenda umi Dóse; ha toñehenói kuimbaʼekuéra opyta hag̃ua umi hoʼavaʼekue rendaguépe.
2 Topytave che rembiguái Thomas Sion retãme peteĩ ára aja, oguenohẽ hag̃ua che ñeʼẽ.
3 Tomboʼe meme ambuekuéra upe aravo guive; ha ojapóramo hikuái korasõ mirĩme, tekomarangatu, ñemomirĩ ha pyʼaporãme, Che, Ñandejára, añeʼẽmeʼẽ chupekuéra, Che ameʼẽtaha hogayguakuérape g̃uarã; ha ojepeʼáta chupekuéra g̃uarã peteĩ okẽ iporãva koʼág̃a guive tenondeve gotyo.
4 Tosẽ hikuái arapoty oúvape ohasa hag̃ua umi yguasu, ha upépe tomomarandu hikuái che evanhélio iplenitúpe, ha tomeʼẽ testimónio che réragui.
5 Tomomaiteipaha hikuái che santokuéra Far West tavaguápe, ára veintiséi abril oúvape, upe tenda che róga oñemopuʼãtahápe, heʼi Ñandejára.
6 Toñehenói che rembiguái John Taylor-pe, ha avei che rembiguái John E. Page-pe, ha avei che rembiguái Wilford Woodruff-pe, ha avei che rembiguái Willard Richards-pe, opyta hag̃ua umi hoʼavaʼekue rendaguépe, ha ofisialmente tojeikuaauka chupekuéra iñehenói.