Sección 16
Rrevelasiõ oñeme’ẽva’ekue José Smith upe proféta rupive, Peter Whitmer, upe ta’ýra, Fayette, Nueva York, Junio 1829-pe (tojehecha sección 14 moñepyrũ). Peter Whitmer-gui, upe ta’ýra, oiko peteĩ umi Ócho Testígo Mormón Kuatiañe’ẽmegua.
1–2, Ñandejára jyva ojepyso opa yvy ári; 3–6, Pe evanhélio ñehekombo’e ha angakuéra jesalva ha’e mba’e hepyvéva.
1 Ehendu che rembiguái Peter, ha ejapysaka Jesucristo ñe’ẽnguérare, ne Ñandejára ha ne Redentor.
2 Péina ápe, añe’ẽgui ndéve tesakã ha pu’akápe, che jyva ojepysógui opa ko yvy ári.
3 Ha amombe’úta ndéve avave yvypóra oikuaa’ỹva, térã che ha nde añónte—
4 Heta ára reikuaaségui chehegui pe mba’e ndéve g̃uarã hepyvéva.
5 Péina ápe, pévare rejehovasapyre nde, ha remombe’u haguére umi che ñe’ẽ, aikuaaukava’ekue ndéve, che rembiapoukapýpe oĩháicha.
6 Ha ko’ág̃a, péina ápe, ha’e ndéve, pe ndéve g̃uarã hepyvéva ha’éta emomarandu arrepentimiénto ko tavayguápe, egueru hag̃ua chéve angakuéra, epytu’u hag̃ua hendivekuéra che Ru Rréinope