1 Pejapysaka ha pehendu peteĩ yvatégui oñemboúvaicha ñe’ẽpu, pe imbarete ha ipu’akapáva, iñesẽ ohóva yvy paha peve, héẽ, iñe’ẽpu ohóva tekovekuérape—Pembosako’i Ñandejára raperã, pembojoja hapekuéra.

2 Tupã rréino llavekuéra oñeme’ẽva’ekue yvypórape yvy ári, ha upégui ojeréta upe evanhélio yvy paha peve, pe ita yvytýgui oñeikytĩmbyrévaicha, ndaha’éiva pópe, ojeréta omyenyhẽmba meve opa pe yvy.

3 Héẽ, peteĩ ñe’ẽpu osapukáiva—Pembosako’i Ñandejára rape, pembosako’i upe Cordero séna, pemoĩporã Menarãme g̃uarã.

4 Pehenói Ñandejárape, pehenói héra marangatu, peikuaauka umi hembiapo hechapyrãva tavayguakuéra apytépe.

5 Pehenói Ñandejárape, irréino oñemosarambi hag̃ua yvy ape ári, umi ipype oikóva upéva omog̃uahẽ hag̃ua, ha peñembosako’i umi ara oútavape g̃uarã, upe Kuimba’e Ra’y oguejytahápe yvágagui, oñembyaóvo iglória mimbípe, omog̃uahẽ hag̃ua Tupã rréino oñemoĩva’ekue yvy ári.

6 Upévare, toñemosarambi Tupã rréino, ou hag̃ua yvága rréino, ikatu hag̃ua nde, O Tupã, rejeglorifika yvágape yvypeguáicha, umi nderayhu’ỹva oĩ hag̃ua nde poguýpe; ne mba’égui terakuãporã, pokatu ha glória, akói ha tapiaite g̃uarã. Amén.