Sección 44
Rrevelasiõ oñeme’ẽva’ekue José Smith upe Proféta ha Sidney Rigdon-pe, Kirtland, Ohio-pe, febrero paha 1831-pe. Okumpli hag̃ua umi ko’ápe ojejeruréva, Tupao ojapo peteĩ conferencia, més uperiregua, junio ñepyrũme.
1–3, Élder-kuéra oñembyatyva’erã conferencia-pe; 4–6, Ha’ekuéra oñemohendava’erã tetã leikuérape he’iháicha ha oñangareko imboriahúvare.
1 Péina ápe, che rembiguaikuéra, péicha he’i Ñandejára peẽme, iporã chéve che tupaogua élder-kuéra toñehenói oriente, poniente, norte ha sur-gui, kuatia rupive térã ambue hendáicha.
2 Ha ojehúta, ijeroviarekóramo hikuái, ha omomba’apo jerovia cherehe, Che añohẽta che Espíritu hi’arikuéra ára oñembyaty vove.
3 Ha ojehúta ha’ekuéra ohóta umi tenda ijerereguápe, ha ombo’éta arrepentimiénto umi upépe oikóvape.
4 Ha heta oñekonvertíta, ha péicha rupi pendepu’akáta peñemohenda hag̃ua umi yvypóra léipe he’iháicha;
5 Ani hag̃ua ipu’aka pende rehe umi penderayhu’ỹva; ha peñemo’ã hag̃ua opa mba’épe; ikatu hag̃ua peñongatu umi che léi; ha tojeipe’a opa mba’e pe oporohayhu’ỹva oñeha’ãva reheve ohundi che tavayguakuéra.
6 Péina ápe, Che ha’e peẽme, tekotevẽha peho pehecha umi imboriahúva ha oikotevẽvape, ha peipytyvõ chupekuéra, oñeñangareko hag̃ua hesekuéra, ojejapo peve opa mba’e che léi pehupytyva’ekuépe he’iháicha. Amén