Sección 131
Tekombo’ekuéra ome’ẽva’ekue José Smith upe Proféta, Ramus, Illinois-pe, mayo 16 ha 17, 1843-pe.
1–4, Pe yvagagua ñemenda oñeikotevẽte ojehupyty hag̃ua exaltasiõ yvága ijyvatevévape; 5–6, Oñemyesakã mba’éichapa tapichakuéra ojesella tekove ijapyra’ỹvape g̃uarã; 7–8, Opa espíritu ha’e matéria.
1 Glória celestial-pe oĩ mbohapy yvága térã grádo;
2 Ha ojehupyty hag̃ua upe ijyvatevéva, pe tekove oikeva’erã ko sacerdocio órdenpe [péva he’ise, upe ñemenda konvénio pyahu ha opave’ỹva];
3 Ha ndojapóirõ, ndaikatúi ohupyty upéva.
4 Ikatúta oike ambuévape, ha katu kóva ha’e pe irréino opahápe; ndaikatúi okakuaave.
5 (Mayo 17, 1843-pe). Upe ñe’ẽ profétiko isegurovéva he’ise peteĩ tekove oikuaaha, rrevelasiõ ha profesía espíritu rupive, ojesellaha tekove ijapyra’ỹvape g̃uarã, Santo Sacerdocio pu’aka rupive.
6 Ndaikatúi peteĩ tekove ojesalva jeikuaa’ỹme.
7 Ndaipóri aipo matéria inmaterial. Opa espíritu ha’e matéria, ha katu iñapesỹive térã opotĩve, ha umi tesa ipotĩvévante ikatu ohechakuaa;
8 Ndaikatúi jahecha umíva; ha katu ñande rete oñemopotĩ vove, jahecháta opa mba’e ha’eha matéria.