Sección 40
Rrevelasiõ oñeme’ẽva’ekue José Smith upe Proféta ha Sidney Rigdon-pe, Fayette, Nueva York-pe, Enero 6, 1831-pe. Ko rrevelasiõ ojehai mboyve, José Smith rembiasakuépe he’i: “James [Covel] ombotovégui Ñandejára ñe’ẽ ha oho jeývo ijepokuaaha ha iñirũnguéra upe mboyvegua ndive, Ñandejára ome’ẽ chéve ha Sidney Rigdon-pe ko rrevelasiõ” (tojehecha sección 39).
1–3, Kyhyje ñemuñágui ha umi mba’e yvy arigua rupi oñembotove pe evanhélio.
1 Péina ápe, añetehápe che ha’e peẽme, che rembiguái James Covel korasõ ijojahague cherenondépe, ha’e ojapógui konvénio chendive iñe’ẽrendutaha che ñe’ẽre.
2 Ha torýpe omog̃uahẽva’ekue pe ñe’ẽ, ha katu pya’ete Satana oipy’ara’ã chupe; ha kyhyje ñemuñágui ha umi mba’e yvy arigua rupi, ha’e ombotovékuri pe ñe’ẽ.
3 Upévare ojapyhara che konvénio, ha cherehe opyta ajapo hag̃ua heseve chéve iporãveháicha. Amén