Sección 92
Rrevelasiõ oñeme’ẽva’ekue José Smith upe Profétape, Kirtland, Ohio-pe, marzo 15, 1833-pe. Ko rrevelasiõme oñehekombo’e Frederick G. Williams-pe, oñehonói ramoiteva’ekue José Smith konsehéro ramo, hembiaporã ha’éva Firma Unida reheguápe (tojehecha umi sección 78 ha 82 moñepyrũ).
1–2, Ñandejára ome’ẽ peteĩ tembiapoukapy órden unídape jeike rehegua.
1 Añetehápe, péicha he’i Ñandejára, Che ame’ẽ órden unídape, oñemohendava’ekue tembiapoukapy ame’ẽmbyrévare, peteĩ rrevelasiõ ha tembiapoukapy che rembiguái Frederick G. Williams rehegua, oñemoneĩ hag̃ua chupe upe órdenpe. Upe Che ha’éva peteĩme, Che ha’e opavavépe.
2 Ha avei, Che ha’e ndéve che rembiguái Frederick G. Williams, nde ha’éta peteĩ miembro activo ko orden-pe; ha ndejeroviarekórõ reñongatu hag̃ua opa umi tembiapoukapy mboyvegua, rejehovasáta akoiete g̃uarã. Amén