Sección 47
Rrevelasiõ oñeme’ẽva’ekue José Smith upe Proféta rupive, Kirtland, Ohio-pe, marzo 8, 1831-pe. John Whitmer, oservimava’ekue Proféta secretario ramo, ipy’a mokõi iñepyrũme, ojejerurerõguare chupe oservi hag̃ua Tupao rembiasakue mombe’uhára ha haihára ramo, Oliver Cowdery rendaguépe. Ha’e ohai, “Hi’ã chéve ndajapói, ha katu ahechakuaa ojejapova’erãha Ñandejára rembipota, ha Ha’e oipotárõ, aipota ohechauka chéve, José, upe Techapahára rupive”. José Smith ohupyty rire ko rrevelasiõ, John Whitmer omoporã ha oservi kárgo oñehenói haguépe.
1–4, John Whitmer oñehenói ogueraha hag̃ua Tupao rembiasakue ha ohai hag̃ua Profétape g̃uarã.
1 Péina ápe, iporã chéve che rembiguái John tohai ha togueraha tapia peteĩ tembiasakue, ha tanepytyvõ, che rembiguái José, ohaívo opa mba’e ndéve oñeme’ẽva, oñehenói peve chupe ambue tembiaporãme.
2 Avei, añetehápe Che ha’e ndéve, ha’e ikatu avei ohupi iñe’ẽpu umi atyhápe, iporã jave.
3 Ha avei, Che ha’e ndéve oñehenoiha chupe ogueraha meme hag̃ua tupao jehaipyre ha rembiasakue; Oliver Cowdery-pe ahenóigui ambue kárgope.
4 Upévare, ijeroviarekóramo, oñeme’ẽta chupe, Moangapyhyhára rupive, ohai hag̃ua ko’ã mba’e. Taupéicha. Amén.