Sección 77
Rrevelasiõ oñeme’ẽva’ekue José Smith upe Profétape, Hiram, Ohio-pe, marzo 1832-pe. José Smith rembiasakue he’i, “Umi Escritura ñembohasa reheve, oñeme’ẽkuri chéve ko ñemyesakã San Juan Rrevelasiõgui”.
1–4, Mymbakuéra oreko espíritu ha oikóta vy’apavẽ apyra’ỹme; 5–7, Ko yvy oreko 7.000 ary ijeiko temporal-pe; 8–10, Heta anhelkuéra omoĩjey evanhélio ha oministra yvy ári; 11, Umi 144.000 sellamiénto; 12–14, Cristo oúta siéte mil ary milénio ñepyrũme; 15, Oñemopu’ãta mokõi proféta hudiokuéra retãme g̃uarã.
1 Porandu. Mba’épa pe yguasu vidrio-guigua, Juan oñe’ẽvare, Apocalipsis kapítulo 4, versíkulo 6-pe?Mbohovái. Ha’e pe yvy iñeime marangatu, manokuaa’ỹ ha ijapyra’ỹvape.
2 P. Mba’épa ñaikũmbyva’erã umi irundy mymba, upe versíkulo oñe’ẽva rehe?Mb. Ko’ãva ha’e ñe’ẽ mbojoguáva, oiporúva Juan, upe Rrevelador, omombe’úvo umi yvága, Tupã paraíso, yvypóra, ha umi mymbakuéra, ha umi mba’e otyryrýva, ha guyra yvytugua vy’apavẽ; ha’évo umi espiritualva temporal-chagua; ha umi temporal-va espiritual-chagua; pe yvypóra espíritu hekovépe ojoguáva, ha avei mymbakuéra espíritu, ha mayma ambue tekove Tupã ojapova’ekue.
3 P. Omoha’angápa ko’ã irundy mymba peteĩ mymba añóme, térã umívapa omoha’anga aty térã ñemohenda?Mb. Ko’ãva omoha’anga irundy mymba añóme, ojehechaukáva Juan-pe, oñemoha’anga hag̃ua umi tekove aty glória, iñemohenda térã ijapopy renda ñemoĩmbyrépe, ivy’apavẽ apyra’ỹ vy’ápe.
4 P. Mba’épa ñaikũmbyva’erã umi mymbakuéra resa ha pepo oreko’akue rehe?Mb. Umi hesa omoha’anga tesape ha kuaapy, péva he’ise, henyhẽha hikuái kuaapýgui; ha umi ipepo omoha’anga pokatu, oku’e hag̃ua, ojapo hag̃ua, ha ambue.
5 P. Mba’épa ñaikũmbyva’erã umi veinticuatro élder, Juan oñe’ẽva rehe?Mb. Ñaikũmbyva’erã ko’ã elder, Juan ohechava’ekue, ha’eha elder ijeroviareko’akue ministério rembiapópe, ha omanomava’ekue; ha’ekuéra ha’ékuri umi siéte tupaogua, ha upérõ oĩkuri Tupã paraísope.
6 P. Mba’épa ñaikũmbyva’erã kuatiañe’ẽ Juan ohechava’ekuére, ojeselláva okáguio siéte séllo reheve?M. Ñaikũmbyva’erã orekoha Tupã rembipota, umi iñemimby ha umi hembiapokuéra ohechaukáva; umi mba’e ñemi iñeisãmbyhygua, ko yvy reheguáva, umi siéte mil ary oĩ aja, térã, hi’ára temporal aja.
7 P. Mba’épa ñaikũmbyva’erã umi siéte séllo ojesellávare?M. Ñaikũmbyva’erã pe séllo peteĩha orekoha umi mba’e mil arykuéra ñepyrũ peteĩha; pe mokõiha oreko mokõiha mil arykuéra oúva, ha péicha séptimo peve.
8 P. Mba’épa ñaikũmbyva’erã umi irundy anhelkuéra oñeñe’ẽvare Apocalipsis kapítulo 7, versíkulo 1-pe?M. Ñaikũmbyva’erã ko’ãva ha’eha irundy anhelkuéra Tupãre oñemboúva, oñeme’ẽvape pokatu umi irundy yvy renda ári, osalva hag̃ua tekove ha ohundi hag̃ua; ko’ãva ha’e umi orekóva evanhélio opave’ỹva, ome’ẽ hag̃ua opa tetã, avaretã, ñe’ẽ ha tavayguakuérape; oguerekóvo pu’aka omboty hag̃ua umi yvága, osella hag̃ua tekovépe g̃uarã, térã oity hag̃ua iguýpe umi tenda pytũmbyguápe.
9 P. Mba’épa ñaikũmbyva’erã upe ánhel oriente-gui ojupívare, Apocalipsis kapítulo 7 ha versíkulo 2-pe?M. Ñaikũmbyva’erã pe ánhel oriente-gui ojupíva ha’eha upe oñeme’ẽvape Tupã oikovéva séllo, umi Israel-gua dóse trívu ári; upévare, ha’e osapukái umi irundy ánhel orekóvape evanhélio opave’ỹva, he’ívo: Ani pejapo ivaíva pe yvýre, ni yguasu, ni yvyramatakuérare, jasella peve ñande Tupã rembiguaikuérape isyváre. Ha, pemog̃uahẽsérõ, kóva ha’e Elías, pe ouva’erã ombyaty hag̃ua umi Israel-gua trívu ha omoĩjey hag̃ua opa mba’e.
10 P. Araka’épa oñekumplíta umi mba’e oñeñe’ẽvare ko kapítulope?M. Umíva oñekumplíta sexto miléniope, térã upe sexto séllo ojepe’a vove.
11 P. Mba’épa ñaikũmbyva’erã umi ciento cuarenta y cuatro mil ojesellávare Israel-gua trívu apytégui—doce mil káda trívugui?M. Ñaikũmbyva’erã umi ojesellava’ekue ha’eha sumo sacerdote-kuéra, oñeordenáva Tupã órden marangatúpe, oadministra hag̃ua upe evanhélio opave’ỹva; ha’ekuéra ha’égui umi oñeordenáva opa tetã, avaretã, ñe’ẽ ha tavayguakuéra apytégui, umi anhelkuéra rupive, oñeme’ẽvape pokatu yvy arigua tetãnguéra ári, ogueru hag̃ua, opavave ousévape, pe Primohénito tupaópe.
12 P. Mba’épa ñaikũmbyva’erã umi turu ñembopu oñeñe’ẽvare Apocalipsis kapítulo 8-pe?M. Ñaikũmbyva’erã, Tupã ojapo haguéicha pe yvy séi árape, ha séptimo árape ojapopa hembiapo, ha osantifika upéva, ha avei ojapova’ekue yvypórape yvy timbógui, péicha avei, séptimo milénio ñepyrũmbýpe, Tupã Ñandejára osantifikáta pe yvy, ha ojapopáta yvypóra salvasiõ, ha ohusgáta opa mba’e, ha orredimíta opa mba’e, ndaha’éirõ umi ha’e nomoĩriva’ekue ipokatu guýpe, osellapa vove opa mba’e ipahaite peve; ha umi siéte ánhel turukuéra ñembopu, ha’e pe hembiapo ñembosako’i ha ñembopaha, séptimo milénio oñepyrũvo—upe tape ñembosako’i pe ára ijeju mboyve.
13 P. Araka’épa oñekumplíta umi mba’e ojehaíva Apocalipsis kapítulo 9-pe?M. Umíva oñekumplíta upe séptimo séllo ojepe’a rire, Cristo jeju mboyve.
14 Mba’e ñaikũmbyva’erã kuatiañe’ẽ’imi Juan ho’uva’ekue rehe, Apocalipsis kapítulo 10-pe oje’eháicha?M. Ñaikũmbyva’erã péva ha’ehague peteĩ misiõ ha peteĩ ordenánsa chupe g̃uarã, ombyaty hag̃ua Israel-gua trívu; péina ápe, kóva ha’e Elías, upe, ojehaiháicha, ouva’erã ha omoĩjey opa mba’e.
15 P. Mba’e oñeikũmbyva’erã umi mokõi testígore, Apocalipsis kapítulo 11-pe?M. Umíva ha’e mokõi proféta oñemopu’ãtava hudio retãme g̃uarã ára pahakuérape, ñemoĩjey árape, ojeprofetisa hag̃ua hudiokuérape, ha’ekuéra oñembyaty ha omopu’ã rire Jerusalén táva, ituvakuéra retãme.