Sección 32
Rrevelasiõ oñemeʼẽvaʼekue José Smith, pe Proféta rupive, Parley P. Pratt ha Ziba Peterson-pe, Manchester, Nueva York, Octubre 1830-pe. Umi élder oñandu kuri tuicha jeikuaaseve ha jeipyʼpy lamanita-kuérare, pe tupao oikuaágui, Mormón Kuatiañeʼẽ rupi, umi jehovasa ojeʼevaʼekue rehe chupekuéra g̃uarã. Upéicha rupi, ojejerureʼasy Ñandejára ohechauka hag̃ua Hembipota oñemondovaʼerãpa elderkuéra upe árape, umi tribu india, oeste-guápe. Upe rire ou pe rrevelasiõ.
1–3, Parley P. Pratt ha Ziba Peterson oñehenói omboʼe hag̃ua lamanita-kuérape ha oho hag̃ua Oliver Cowdery ha Peter Whitmer, pe taʼýra, ndive; 4–5, Haʼekuéra oñemboʼevaʼerã oikũmby hag̃ua umi escritura.
1 Ha koʼág̃a che rembiguái Parley P. Pratt rehe, péina ápe, che haʼe chupe, pe che aikoveháicha, haʼeha che rembipota tomomarandu che evanhélio ha toñehekomboʼe chehegui, ha tahekopyʼaguapy ha tomomirĩ ikorasõ.
2 Ha che haʼevaʼekue chupe oho hag̃ua taveʼỹme, che rembiguaikuéra Oliver Cowdery ha Peter Whitmer, pe taʼýra, ndive, lamanita-kuéra apytépe.
3 Ha avei ohovaʼerã hendivekuéra Ziba Peterson; ha chete aháta hendikuéra ha aiméta ijapytepekuéra; ha che haʼe ojejuréva hesekuéra Túva renondépe, ha mbaʼeve ndaipuʼakamoʼãi hesekuéra.
4 Ha haʼekuéra ojesarekóta pe ojehaíva, ha ndeʼimoʼãi ohupytyhague mbaʼeve ambue rrevelasiõ; ha haʼekuéra akóinte oñemboʼéta, che amyesakã hag̃ua pe ojehaíva, haʼekuéra oikũmby hag̃ua.
5 Ha ojesarekóta hikuái koʼã ñeʼẽre ha nomombaʼeʼimoʼãi, ha che ahovasáta chupekuéra. Amén.