Sección 83
Rrevelasiõ oñeme’ẽva’ekue José Smith upe Proféta rupive, Independence, Misuri-pe, abril 30, 1832-pe. Ko rrevelasiõ ojehupytýkuri Proféta oñembyaty aja ijoyke’ykuérandi konsíliope.
1–4, Kuñanguéra ha mitãnguéra oguereko derécho ohupyty hag̃ua pytyvõ iména ha ituvakuéragui; 5–6, Umi viúda ha ityre’ỹva oguereko derécho oheka hag̃ua pytyvõ Tupaópe oñemantene hag̃ua.
1 Añetehápe, péicha he’i Ñandejára, umi tupao léi ha’éva kuñanguéra ha mitãnguéra rehegua ñembojoapy ramo, umi tupaogua ojehekyiva’ekue chuguikuéra iména térã hembireko térã ituvakuéra:
2 Kuñanguéra oguereko derécho ohupyty hag̃ua ñemantene imenakuéragui umíva omano meve; ha ndojejuhúirõ hikuái ojapyharáva, oguerekóta tupao membresía.
3 Ha ndaijeroviarekóiramo hikuái, ndoguerekomo’ãi tupao membresía; upevére, opytakuaa hikuái henda jehejapyrépe, upe tetã léipe he’iháicha.
4 Opa mitã oguereko derécho ohupytývo ituvakuéra ñemantene okakuaapa peve.
5 Ha uperire, ikatu ojerure hikuái tupaópe, térã ambue ñe’ẽme, Ñandejára almasẽme, ituakuéra ikatu’ỹramo ome’ẽ chupekuéra jehejapyre.
6 Ha oñemantenéta upe almasẽ umi tupaogua konsagrasiõ rupive; ha umi viúda ha ityre’ỹvape oñeme’ẽta oikotevẽva, umi imboriahúvape avei. Amén