Sección 81
Rrevelasiõ oñeme’ẽva’ekue José Smith upe Proféta rupive, Hiram, Ohio-pe, marzo 15, 1832-pe. Frederick G. Williams oñehenói ha’e hag̃ua sumo sacerdote ha konsehéro, Sumo Sacerdocio Presidencia-pe. Umi tembiasakue jehaipy ohechauka ko rrevelasiõ ojehupytỹrõguare, marzo 1832-pe, oñehenoihague Jesse Gause-pe José Smith konsehéro oficio-pe, Presidencia-pe. Upevére, ha’e ojavyrõguare oho memévo ko ñehenóime, oñembohasa upe llamamiénto Frederick G. Williams-pe. Upe rrevelasiõ, (ojehaíva marzo 1832-pe), ojehechava’erã peteĩ páso ramo Primera Presidencia ñemohenda porãmba gotyo, oñeikotevẽhápe upe konsehéro ofísio, upéva upe atýpe ha oñemohesakã haguépe upe ñehenói mba’eguasu. Hermano Gause oservi’imiva’ekue ha katu oñemosẽ Tupaógui 1832-pe. Hermano Williams oñeordeva’ekue upéva upe oficio-pe, marzo 8, 1833-pe.
1–2, Primera Presidencia akóinte oguereko rreinogua llavekuéra; 3–7, Frederick G. Williams ijeroviarekóramo iministériope, ohupytýta tekove ijapyra’ỹva.
1 Añetehápe, añetehápe Che ha’e ndéve, che rembiguái Frederick G. Williams: Ehendu upe oñe’ẽva ñe’ẽpu, Ñandejára nde Tupã ñe’ẽ, ha ejesarekóke llamamiénto reñehenóivape, ha’éva ha’e hag̃ua che tupaogua sumo sacerdote, ha che rembiguái José Smith, upe ta’ýra, konsehéro;
2 Upe Che ame’ẽva’ekuépe rreinogua llavekuéra, akóinte ha’e Sumo Sacerdocio Presidencia-gua:
3 Upévare, añetehápe Che ahechakuaa chupe ha avei ahovasáta chupe, ha avei ndéve, konséhope ndejeroviarekóramo, oficio Che rohenói haguépe, akóinte reñembo’évo ayvúpe ha ne korasõme, atýpe ha neaño; ha avei ne ministériope, remomarandúvo pe evanhélio umi oikovéva retãme, ha nde joyke’ykuéra apytépe.
4 Ha ko’ã mba’e rejapóvo, rejapóta tuichavéva mba’eporã nde rapichakuérape g̃uarã, ha remotenondéta, pe ha’éva ne Ñandejára glória.
5 Upévare, ndejeroviarekóke; emba’apo pe ofísio Che rohenói haguépe; eipytyvõ umi ikangývape, emopu’ã umi ipo ho’áva, ha emombarete umi tenypy’ã ikangýva.
6 Ha ndejeroviarekóramo ipahaite peve, rehupytýta peteĩ ñemanokuaa’ỹ koróna, ha tekove ijapyra’ỹva umi ogaguasúpe, Che ambosako’i’va’ekue che Ru rógape.
7 Péina ápe, péicha ko’ãva ha’e Alfa ha Omega ñe’ẽ, jepeve Jesucristo. Amén.