Sección 53
Rrevelasiõ oñeme’ẽva’ekue José Smith upe Proféta rupive, Algernon Sidney Gilbert-pe, Kirtland, Ohio-pe, junio 08, 1831-pe. Sidney Gilbert ojerure rupi, Proféta oporandu Ñandejárape mba’épa Hermano Gilbert rembiapo ha ñehenói Tupaópe.
1–3, Sidney Gilbert llamamiénto ha jeporavo Tupaópe ha’e oñeordena hag̃ua chupe elder; 4–7, Ha’e oserviva’erã avei obispo ahénte ramo.
1 Péina ápe, Che ha’e ndéve, che rembiguái Sidney Gilbert, Che ahenduhague umi ne ñembo’e; ha cherenóikuri, Ñandejára nde Tupã oikuaauka hag̃ua ndéve, ne llamamiénto ha jeporavo rehegua tupaópe, Che, Ñandejára, amopu’ãva’ekue ko’ã ára pahápe.
2 Péina, Che, Ñandejára, ajehupiva’ekue kurusúre múndo angaipáre, ame’ẽ ndéve tembiapoukapy reheja hag̃ua pe múndo.
3 Emoĩ ndejehe che ordenasiõ, jepeve élder-ramo, rembo’e hag̃ua jerovia ha arrepentimiénto ha angaipakuéra rremisiõ, che ñe’ẽme he’iháicha, ha Espíritu Marangatu ñemog̃uahẽ, po ñemoĩ rupive;
4 Ha avei ha’e hag̃ua ko tupao ahénte, tenda obispo ohechaukatahápe, tembiapoukapykuéra tenondeve oñeme’ẽtavape he’iháicha.
5 Ha avei, añetehápe Che ha’e ndéve, reje’oiva’erãha che rembiguaikuéra José Smith, upe ta’ýra, ha Sidney Rigdon ndive.
6 Péina ápe, ko’ãva ha’e umi ordenánsa peteĩha rehupytýtava; ha hembyre ojekuaaukáta peteĩ ára oútavape, che víñape remba’apoháicha.
7 Ha avei, Che aipota reikuaa pe ogueropu’akáva ipahaite peve añónte ojesalvaha. Taupéicha. Amén.