1 Ñandejára oikuaaukágui chéve umi cherayhu’ỹva, Misuri-pe ha ko estádope, chemuña jeyha; ha chemuña reígui hikuái; ha ndoguerekóigui hikuái ni michĩmi hustísia térã derécho joguaha ijykére, umi akusasiõ cherehe ojapóvare; ha opa ijalegáto oñemopyendágui umi japu iñypytũvévare, iporã ha iñarandu chéve asẽ ko’águi ára mbyky aja, che aimeporã hag̃ua ha ko tavayguakuéra oĩporã hag̃ua. Che ha’esemi opa umi ajapóva ndive ñemoñemu, ahejahague che mba’ekuéra ahénte ha secretario-kuéra pópe, ojapótava opa mba’e hekópe ha oĩporaháicha, ha ohecháta hikuái ojehepyme’ẽ hag̃ua opa ojedevéva hi’árape, oiporúvo umi mba’erepy, térã ambue hendáicha, upe káso oikotevẽháicha térã ikatuháicha. Che aikuaa vove upe aravai ohasapamaha, aju jeýta penerendápe.

2 Ha umi mba’evai ohasava’erã rehe, mba’e michĩ chéve, yvypóra jerekose ha ñeko’õi ha’égui che po’a opa che rekove pukukue; ha mba’érepa, ha’e peteĩ mba’eñemimby chéve g̃uarã, ndaha’éiramo pe múndo oiko mboyve che añeordenávo peteĩ mba’eporã térã mba’evairã, peẽ pejeseháicha. Pehusga pendejehegui. Tupã oikuaapa opa ko’ã mba’e, iporãva térã ivaíva. Upevére, Che a’yta jepi y pypukúpe. Opa ko’ãva jepiguánte chéve g̃uarã, ha añandu Pablo-icha, ajegloriase jeiko’asýpe; ko ára peve, che rukuéra Tupã chemosãso opa umívagui, ha chemosãsota ko’ág̃a guive tenondeve gotyo; péina ápe, péicha chepu’akapátagui opa cherayhu’ỹvakuérare, Tupã Ñandejára he’ígui.

3 Tovy’a upéicha, opa santokuéra ha tovy’a tuichaite, Israel Tupã ha’égui Itupã, ha ha’e ohechaukáta peteĩ jopói medída ijojáva opa ijopyharakuéra akã ári.

4 Ha avei, péicha he’i Ñandejára: Tojejapo meme ha ani pemombyta che témplo apo, ha opa tembiapo Che ahechaukava’ekue peẽme; toñembojo’a pende jesareko, pene ñeha’ã, pene ñeha’arõkuaa ha pene rembiapokuéra, ha mba’evéicharõ noñehundimo’ãi pende jopói, he’i pe Señor de las Huestes. Ha penemuñáramo, péicha omuñava’ekue hikuái profetakuéra ha yvypóra rekojoja peẽ mboyveguápe. Opa ko’ãvape g̃uarã oĩ peteĩ jopói yvágape.

5 Ha avei, Che ame’ẽ peẽme peteĩ ñe’ẽ umi omanóva pene mba’évare ñemongarai rehegua.

6 Añetehápe péicha he’i peẽme Ñandejára umi omanóva pene mba’éva rehe: Oimeraẽ peẽ peñemongaraívo pene omanova’ekuére, toĩ upépe peteĩ haihára ha’e hag̃ua testígo ohecháva pene ñemongarai; ha tohendu ijapysa rehe, otestifika hag̃ua añeteguágui, he’i Ñandejára;

7 Opa mba’e pehaíva, ojehai hag̃ua yvágape; umi peñapytĩva yvy ári, oñeñapytĩ hag̃ua yvágape; umi pejoráva yvy ári, ojejora hag̃ua yvágape;

8 Heta mba’e Che amoĩjey potaitémagui yvy ári, ha’éva upe sacerdocio rehegua, he’i pe Señor de las Huestes.

9 Ha avei, toñeñongatu hekópe opa jehaipyrekuéra, oñemoĩ hag̃ua umíva che sánto témplo archivokuérape, oñeñongatu hag̃ua momandu’ápe, ñemoñareatýgui ñemoñareatýpe, he’i pe Señor de las Huestes.

10 Che ha’éta santokuérape, che aipotahague, tuichaite potapy reheve, ikatunga’ura’e añe’ẽ chupekuéra púlpito guive upe téma omanova’ekue ñemongaraíre ko Pytu’uha ára oúvape. Ha katu ndaikatumo’ãigui aha, che ahaíta Ñandejára ñe’ẽ upe témare, sapy’apy’a, ha omboúta peẽme korréo rupive, heta ambue mba’e reheve.

11 Ha ko’ág̃a ambopaha che kuatia, ndachearavéimagui; upe oporohayhu’ỹva oĩgui jesarekópe, ha pe Salvador he’i haguéicha, ko mundogua prínsipe ou, ha katu ha’e ndaikatúi ojapo mba’eve cherehe.

12 Péina ápe, che ñembo’e Tupãme ha’e, opavave peẽ pejesalva hag̃ua. Ha che amboguapy che réra pene rembiguái ramo Ñandejárape, Jesucristo Tupao Santokuéra Ára Pahapegua proféta ha techapahára.