1 Tupaópe oĩ, mokõi sacerdocio, ha’éva, pe Melquisedec ha pe Aarónico, oikehápe upe Sacerdocio Levítico.

2 Upe peteĩha ojehero Melquisedec Sacerdocio, Melquisedec ha’égui peteĩ sumo sacerdote tuichaite.

3 Hi’ára mboyve oñehenoiva’ekue Santo Sacerdocio según el Orden del Hijo de Dios.

4 Ha katu rrespéto térã rreverensiagui upe Ser Supremo rérare, ani hag̃ua oje’e jeyjey py’ỹi héra, ha’ekuéra, pe tupao, umi ára ymáme, ombohérakuri Melquisedec upe sacerdocio, térã Melquisedec Sacerdocio.

5 Opa ambue tupaogua autorida térã ofísio ha’e ko sacerdocio mbojoapy.

6 Ha katu oĩ mokõi divisiõ térã ñemyakã imba’eguasuvéva—peteĩ ha’e Melquisedec Sacerdocio, ha ambuéva ha’e Sacerdocio Aarónico térã Levítico.

7 Pe élder ofísio ha’e Melquisedec Sacerdocio-pegua.

8 Pe Melquisedec Sacerdocio oguereko derécho opresidi hag̃ua, ha ipu’aka ha ijautorida opa ofísio ári tupaópe, opa múndo edápe, oadministra hag̃ua umi mba’e espiritualvape.

9 Pe Sumo Sacerdocio Presidencia, Melquisedec órdencha, oguereko derécho oofisia hag̃ua opa tupaogua ofísiope.

10 Sumo Sacerdote-kuéra Melquisedec Sacerdocio órdencha, oguereko derécho oofisia hag̃ua henda teépe, presidencia ñeisãmbyhy guýpe, oadministra hag̃ua umi mba’e espiritualva, ha avei élder ofísiope, presbítero (levítico orden-pegua), maestro, diákono ha miembro-pe.

11 Pe sumo sacerdote ndaipóri jave, peteĩ élder oguereko derécho oofisia hag̃ua hendaguépe.

12 Pe sumo sacerdote ha pe élder oadministrava’erã umi mba’e espiritualva, tupao konveniokuéra ha tembiapoukapýpe oĩháicha; ha oguereko hikuái derécho oofisia hag̃ua opa tupaogua ofisiokuérape, ndaipóri jave peteĩ autorida ijyvatevéva.

13 Pe sacerdocio mokõiha oñehenói Aarón Sacerdocio, oñeme’ẽgui Aarón ha iñemoñarépe, opa iñemoñareaty aja.

14 Oñehenói sacerdocio menor ha’e rupi pe ijyvatevéva mbojoapy, térã pe Melquisedec Sacerdocio, ha ipu’aka oadministra hag̃ua umi ordenánsa okapegua.

15 Obispádo ha’e ko sacerdocio presidencia, ha oguereko upéva llavekuéra térã autorida.

16 Avave kuimba’e ndoguerekói derécho legal ko ofísiope, oguereko hag̃ua ko sacerdocio llavekuéra, ndaha’éiramo Aarón ñemoñare teéva.

17 Ha katu, peteĩ Melquisedec Sacerdocio sumo sacerdote, oguerekógui autorida oofisia hag̃ua opa ofísio ikarapevévape, ha’e ikatu ojapo obispo oficio, ndojejuhúirõ peteĩ Aarón ñemoñare teéva, oñehenói, ojeaparta ha oñeordenáramo ko pu’akápe, Melquisedec Sacerdocio Presidencia po rupive.

18 Pe sacerdocio ijyvatevéva pu’aka ha autorida, térã, pe Melquisedec Sacerdocio-va, he’ise ojeguerekoha umi lláve opa tupaogua jehovasa espiritual rehegua—

19 Ojeguereko hag̃ua priviléhio ojehupytývo yvága rréino ñemimbykuéra, ojehecha yvága ojepe’ávo, oñeñe’ẽ upe asamblea general ha Primohénito tupaóndi, ha ojeguerovy’a Tupã pe Túva ha Jesús, upe konvénio pyahu mediador, komuniõ ha ñeime.

20 Pe sacerdocio menor pu’aka ha autorida, térã Sacerdocio Aarónico, he’ise ojeguerekoha umi ánhel ministério llavekuéra, ha oñeadministra hag̃ua umi ordenánsa okapegua, pe evanhélio létra, arrepentimiénto rehegua ñemongarai angaipakuéra rremisiõrã, umi konvénio ha tembiapoukapýpe oĩháicha.

21 Tekotevẽ oĩ presidente-kuéra, osẽva térã oñehenóiva ofisial presidente, umi oñeordenáva apytégui ko’ã mokõi sacerdocio ofísio etápe.

22 Melquisedec Sacerdocio-gui, mbohapy Sumo Sacerdote Presidente, upe aty oiporavóva, oñehenói ha oñeordenáva upe ofísiope, ha oñesostenéva pe tupao jeroviapy, jerovia ha ñembo’ekuéra rupive, ha’e pe Tupao Presidencia kórum.

23 Umi dóse konsehéro oviaháva oñehenói ha’e hag̃ua Doce Apóstoles, térã testígo especial Cristo réragui opa mundopýre—ha péicha ojoavy ambue tupao ofisialkuéragui illamamiénto rembiaporãme.

24 Ha ha’e hikuái peteĩ kórum, ijojáva autorida ha pu’akápe umi mbohapy presidente oñeñe’ẽmava’ekuére.

25 Umi Seténta oñehenói avei ombo’e hag̃ua pe evanhélio ha ha’e hag̃ua testígo especial hentilkuérape ha opa mundopýre—ha péicha ojoavy ambue tupao ofisialkuéragui illamamiénto rembiaporãme.

26 Ha ha’e hikuái peteĩ kórum, ijojáva autoridápe umi dóse testígo especial térã apóstol oje’e ramoiteva’ekuére.

27 Ha opa mba’e he’íva ojapotaha oimeraẽ ko’ã kórum, ojejapóta pe kórum ñe’ẽpu ñemopeteĩ rupive; péva he’ise, opa miembro peteĩteĩ korumpegua og̃uahẽva’erã peteĩ ñe’ẽme umi mba’e he’ívape, ko’ãva oguereko hag̃ua peteĩchagua pu’aka térã ovale jojáva oñondive—

28 Peteĩ hetaveha ikatu ha’e peteĩ kórum ndaikatúi jave ojejapo ambuéicha—

29 Upeicha’ỹramo, idesisiõnguéra ndoguerekói derécho peteĩchagua jehovasápe, yma ohupytyva’ekue peteĩ mbohapy presidente kórum desisiõnguéragui, umíva oñeordenava’ekue Melquisedec órdencha, ha ha’eva’ekue kuimba’e hekojojáva ha imarangatúva.

30 Ko’ã kórum, térã oimeraẽ umíva desisiõ ojejapova’erã opa tekojojápe, santida ha korasõ mirĩme, marangatu ha py’aporãme, ha jeroviápe, ha virtu, ha kuaapy, akãguapy, jejahei’ỹme, tekoporã, mborayhu tapicháre ha karidápe;

31 Oĩgui upe promésa, hetáramo ko’ã mba’e ijapytepekuéra, ndahi’amo’ãiha hikuái Ñandejára kuaapýpe.

32 Ha ko’ã kórum ojapóramo desisiõ ijoja’ỹva, ikatúta ojegueru upéva heta kórum asamblea general renondépe, ha’éva umi tupaogua autorida espiritual; upeicha’ỹramo, ndaikatúi ojeapela idesisiõnguérare.

33 Umi Dóse ha’e peteĩ Sumo Consejo Presidente Viajante, oofisia hag̃ua Ñandejára rérape, Tupao Presidencia ñeisãmbyhy guýpe, yvága autoridápe oĩháicha; oñemopu’ã hag̃ua pe tupao ha oñemboguata hag̃ua opa mba’e heseguáva opa tetãme, hentilkuérape raẽve ha upéi hudiokuérape.

34 Umi Seténta omba’apóta Ñandejára rérape umi Dóse ñeisãmbyhy guýpe, térã, pe sumo consejo viajante, omopu’ãvo pe tupao ha omboguatávo opa mba’e heseguáva opa tetãnguérape, hentilkuérape raẽve ha upéi hudiokuérape—

35 Oñemondóvo umi Dóse, oguerekóvo ha’ekuéra umi lláve oipe’a hag̃ua upe okẽ Jesucristo evanhélio ñemomarandu rupive, hentilkuérape raẽve ha upéi hudiokuérape.

36 Sion estakakuérape, umi sumo consejo residente ha’e peteĩ kórum ijojáva autoridápe, pe tupao mba’ekuéra reheguápe, opa idesisiõme, upe presidencia kórum, térã pe sumo consejo viajante ndive.

37 Sion sumo consejo ha’e peteĩ kórum ijojáva autoridápe, pe tupao mba’ekuéra reheguápe, opa idesisiõme, umi Dóse konsého Sion estakapeguándi.

38 Pe sumo consejo viajante rembiaporã ha’e ohenói hag̃ua umi Seténta, ambuekuéra rangue, oikotevẽ jave ñeipytyvõ, oñatende hag̃ua umi heta llamamiénto oñembo’e ha oñeadministra hag̃ua pe evanhélio.

39 Umi Dóse rembiaporã ha’e oordena hag̃ua ministro-kuéra evanhelista opa tupao rráma tuichávape, oje’eháicha chupekuéra rrevelasiõ rupive—

40 Ko sacerdocio órden oñekonfirmákuri ohasa hag̃ua túvagui ta’ýrape, ha derécho rupi, ha’e lináhe ojeiporavopyréva ñemoñarekuéra teéva, ojejapova’ekuépe umi promésa.

41 Ko órden oñemoĩva’ekue Adán árape, ha ohasava’ekue lináhe rupi kóicha:

42 Adán-gui Set-pe, oñeordenava’ekue Adán-re, sesenta y nueve áño orekópe; ha mbohapy ary Adán omano mboyve, kóva ohovasa chupe, ha ohupytýkuri Tupã promésa, itúva rupive, pe iñemoñare ha’etaha Ñandejára poravopyre, ha oñeñongatutaha pe yvy opa peve;

43 Set ha’égui peteĩ kuimba’e oñemoĩporãmbapyre, ha ha’anga itúva ra’angaichaitékuri, ha ojoguaite itúvape opa mba’épe, ha ijedáre añónte ikatúkuri ojehechakuaa mávapa.

44 Enós oñeordenákuri ciento treinta y cuatro áño ha cuatro mésepe, Adán po rupive.

45 Tupã ohenoiva’ekue tave’ỹme Cainán-pe, orekórõguare cuarenta áño; ha ojuhúkuri Adán-pe ohórõguare Shedolamak retãme. Ha’e orekókuri ochenta y siete áño ohupytyrõguare iñordenasiõ.

46 Mahalaleel orekókuri cuatrocientos noventa y seis áño ha siete diá oñeordenarõguare Adán po rupive, ohovasava’ekue avei chupe.

47 Jared orekókuri doscientos áño ohupytyrõguare iñordenasiõ Adán po rupive, ohovasava’ekue avei chupe.

48 Enoc orekókuri veinticinco áño oñeordenarõguare Adán po rupive; ha orekókuri sesenta y cinco áño ha Adán ohovasákuri chupe.

49 Ha Enoc ohechákuri Ñandejárape, ha ha’e oikova’ekue hendive, ha oĩ meme hova renondépe; ha ha’e oguatákuri Tupãndi trescientos sesenta y cinco áño, péva he’ise orekohague cuatrocientos treinta áño ojegueraharõguare.

50 Matusalén orekókuri cien áño oñeordenarõguare Adán po rupive.

51 Lamec orekókuri treinta y dos áño oñeordenarõguare Set po rupive.

52 Noé orekókuri diez áño oñeordenarõguare Matusalén po rupive.

53 Mbohapy ary omano mboyve, Adán ohenóikuri Set, Enós, Cainán, Mahalaleel, Jared, Enoc ha Matusalén-pe, mayma ha’ekuéra sumo sacerdote, iñemoñaregua rembyre hekojojáva ndive, Adán-ondi-Ahmán vállepe, ha upépe ome’ẽ chupekuéra ijehovasa paha.

54 Ha Ñandejára ojehechauka chupekuéra, ha opu’ã hikuái ha ohovasa Adán-pe, ha ohenói hikuái chupe Miguel, upe prínsipe, upe arkánhel.

55 Ha Ñandejára ome’ẽ angapyhy Adán-pe, ha he’i chupe: Che romoĩkuri reime hag̃ua iñakãme; hetaiterei tetãnguéra osẽta ndehegui, ha nde ha’éta prínsipe hi’arikuéra akoiete g̃uarã.

56 Ha oñembo’y Adán pe atyguasu mbytépe, ha ikarapãramo jepe itujaitémagui, henyhẽvo Espíritu Santo-gui, ohechapukupaite umi mba’e ojehútava iñemoñarépe, ñemoñareaty paha peve.

57 Ko’ã mba’e ojehaipákuri Enoc kuatiañe’ẽme, ha ojetestifikáta umívagui hi’árape.

58 Ha’e avei umi Dóse rembiaporã oordena ha omohenda opa ambue tupao ofisialkuérape, rrevelasiõ péicha he’ívape:

59 Cristo tupaópe Sion retãme, avei umi tupao léi ha’éva tupao rembiapo rehegua—

60 Añetehápe, Che ha’e peẽme, he’i pe Señor de las Huestes, tekotevẽ oĩ elder presidente-kuéra opresidi hag̃ua umi orekóvape élder ofísio;

61 Ha avei presbítero-kuéra opresidi hag̃ua umi orekóvape presbítero ofísio;

62 Ha avei maestro-kuéra opresidi hag̃ua umi orekóvape maestro ofísio, ha péicha, avei diakonokuéra—

63 Upévare, diákonogui maestro-pe, ha maestro-gui presbítero-pe, ha presbítero-gui élder-pe, ha péicha oho, oñehenoiháicha hikuái, umi tupao konvénio ha tembiapoukapýpe he’iháicha.

64 Upérõ ou pe Sumo Sacerdote, tuichavéva opavavégui.

65 Upévare, tekotevẽ oñehenói peteĩme Sumo Sacerdocio-gui opresidi hag̃ua upe sacerdocio ári, ha ha’e oñehenóita Tupao Sumo Sacerdocio Presidente;

66 Térã, ambue ñe’ẽme, Sumo Sacerdote Presidente opa Tupao Sumo Sacerdocio ári.

67 Chugui ou tupaópe g̃uarã ordenansakuéra ñeadministra ha umi jehovasa, po ñemoĩ rupive.

68 Upévare, pe obispo ofísio ndaupéichai; pe obispo ofísio ha’égui oñeadministra hag̃ua opa umi mba’e yvy arigua;

69 Upevére, pe obispo ojeiporavova’erã umi Sumo Sacerdocio apytégui, ndaha’éiramo peteĩ ha’éva Aarón ñemoñare tee;

70 Ndaha’éiramo Aarón ñemoñare tee, ha’e ndaikatúi oguereko upe sacerdocio llavekuéra.

71 Upevére, ikatu ojeaparta peteĩ sumo sacerdote, upéva he’ise, Melquisedec órdencha, oadministra hag̃ua umi mba’e yvy arigua, oikuaátavo umívagui añetegua Espíritu rupive;

72 Ha avei ha’e hag̃ua hue Israel-pe, ojapo hag̃ua tupao rembiapokuéra, ha ohusga hag̃ua umi ojapyharávape, umi testimónio ojeguerúvare henondépe léipe he’iháicha, ikonseherokuéra ñeipytyvõ rupive, ha’e oiporavova’ekue térã oiporavótava tupao élder-kuéra apytégui.

73 Kóva ha’éta obispo rembiaporã ndaha’éiva Aarón ñemoñare tee, ha katu pe oñeordenava’ekue Sumo Sacerdocio-pe, Melquisedec órdencha.

74 Ha péicha, ha’éta peteĩ hue, jepeve hue komún Sion-pe oikóva apytépe, térã peteĩ Sion estákape, térã oimeraẽ Tupao rrámape ha’e ojeapartahápe ko ministériope g̃uarã, oñembotuicha peve Sion rembe’y, tekotevẽ ojeguereko ambue obispo-kuéra térã huekuéra Sion-pe térã ambue hendápe.

75 Ha oñehenóiramo ambue obispo-kuéra, ko’ãva omba’apóta péichagua ofísiope.

76 Ha katu peteĩ Aarón ñemoñare tee oguereko derécho legal ko sacerdocio presidencia-pe, ko ministério llavekuérape, omba’apo hag̃ua obispo ofísiope ijehegui, konseherokuéra’ỹre, ha’e hag̃ua hue Israel-pe, ndaha’éirõ ojehusga jave peteĩ Sumo Sacerdocio Presidente-pe, Melquisedec órdencha.

77 Ha oimeraẽ desisiõ ojapóva ko’ã konsého oĩva’erã tembiapoukapýpeicha he’íva:

78 Avei, añetehápe Che ha’e peẽme, umi tupao rembiapo imba’eguasuvéva ha umi káso hasyvéva, oĩramo joavy pe obispo térã umi hue desisiõre, oñeme’ẽta ha oñembohasáta Tupao konséhope, Sumo Konsého Presidencia renondépe.

79 Ha pe Sumo Sacerdocio konsého Presidencia ipu’akáta ohenói hag̃ua ambue sumo sacerdote-kuéra, dóse jepeve, oipytyvõ hag̃ua konsehéro ramo; ha péicha pe Sumo Sacerdocio Presidencia ha ikonseherokuéra ipu’akáta odesidi hag̃ua upe testimóniogui, tupao leikuérape he’iháicha.

80 Ha ko desisiõ rire, noñemomandu’amo’ãvéima Ñandejára renondépe; kóva ha’égui Tupã tupao konsého ijyvatevéva ha pe ome’ẽva desisiõ paha oĩ jave joavy umi mba’e espiritualvare.

81 Ndaipóri avave tupaogua oĩ’ỹva ko tupao konsého guýpe.

82 Ha peteĩ Sumo Sacerdocio Presidente ojapyharáramo, oñehenóita chupe tupao konsého komún renondépe, oipytyvõtavape dóse konsehéro Sumo Sacerdocio-gua;

83 Ha desisiõ ojapóva hikuái iñakã ári ombopaháta upe joavy hesegua.

84 Péicha, avavépe ndojeipe’ái Tupã hustísia ha leikuéragui, opa mba’e ojejapo hag̃ua henondépe hekopete ha akãguapýpe, añetegua ha tekojojápeicha.

85 Ha avei, añetehápe Che ha’e peẽme, diákono ofisiogua presidente rembiaporã ha’e opresidi hag̃ua umi dóse diákonope, oguapy hag̃ua hendivekuéra konséhope ha ombo’e chupekuéra hembiaporã, ojo’edifikávo ojupe konveniokuérape oñeme’ẽháicha.

86 Ha avei maestro-kuéra ofisiogua presidente rembiaporã ha’e topresidi veinticuatro maestro ári, ha oguapy hendivekuéra konséhope, ombo’évo chupekuéra ijofísio rembiaporãnguéra, konveniokuérape oñeme’ẽháicha.

87 Ha avei pe Aarón Sacerdocio presidente rembiaporã ha’e topresidi cuarenta y ocho presbítero-pe, ha oguapy konséhope hendivekuéra, ombo’e hag̃ua chupekuéra ijofísio rembiaporãnguéra, konveniokuérape oñeme’ẽháicha—

88 Ko presidente ha’eva’erã peteĩ obispo; kóva ha’égui peteĩva ko sacerdocio rembiaporã.

89 Avei, umi élder ofísio presidente rembiaporã ha’e topresidi noventa y seis élder ári, ha oguapy hendivekuéra konséhope, ha ombo’e chupekuéra umi konvéniope oĩháicha.

90 Ko presidencia iñambue umi setentaguágui, ha oñemoĩva’ekue umi ndoje’óivape g̃uarã opa mundopýre.

91 Ha avei, pe Sumo Sacerdocio ofísio Presidente rembiaporã ha’e topresidi opa pe tupao, ha ha’e hag̃ua Moiséicha—

92 Péina ápe, kóvape oĩ arandu; héẽ, ha’e hag̃ua peteĩ techapahára, peteĩ rrevelador, peteĩ mbohasahára ha peteĩ proféta, oguerekóvo opa Tupã don, ha’e omoĩva pe tupao akã ári.

93 Ha ha’e pe visiõ ohechaukaháicha umi Seténta órden, oguerekova’erahã hikuái siete presidente opresidíva hi’arikuéra, ojeiporavóva umi seténta apytégui;

94 Ha pe sétimo presidente ko’ã presidente-gui opresidíta umi séipe;

95 Ha ko’ã siete presidente oiporavova’erã ambue seténta, avei umi peteĩha seténta oĩhágui hikuái, ha opresidiva’erã hi’arikuéra;

96 Ha avei ambue seténtape, siete vése setenta peve, tekotevẽramo pe víña rembiapo ojerurégui.

97 Ha ko’ã seténta ha’eva’erã minístro viahánte, Hentilkuérape raẽve ha avei Hudiokuérape.

98 Ha katu upéicha ambue tupao ofisialkuéra, umi ndaha’éiva Dosegua ni Setentagua, oguerekóramo jepe ofísio ijyvatéva ha irresposavilidáva tupaópe, ndoguerekói rresponsavilida oho hag̃ua opa tetãnguéra apytépe, ha katu oje’oiva’erã ha’ekuéra ikatuháicha.

99 Upévare, toikuaa hembiaporã opa kuimba’e, ha tomba’apo opa jesarekópe pe ofísio oñehenói haguépe.

100 Pe iñate’ỹva ndojehechamo’ãi hekojojávaramo oñembo’y hag̃ua, ha pe ndoikuaáiva hembiaporã ha ojehechaukáva oñemoneĩ’ỹvaramo, ndojehechamo’ãi hekojojávaramo oñembo’y hag̃ua. Taupéicha. Amén.