Sección 137
Visiõ ojehechaukáva José Smith upe Profétape, Kirtland, Ohio-pegua témplope, enero 21, 1836-pe. Upérõ oñeadministrákuri ordenansakuéra témplo dedikasiõ ñembosako’irã.
1–6, Proféta ohecha hyke’ýra Alvin-pe reino celestial-pe; 7–9, Ojeikuaauka omanóva salvasiõ doctrina; 10, Opa mitãnguéra ojesalva reino celestial-pe.
1 Ojepe’ákuri oréve umi yvága, ha ahecha Tupã reino celestial, ha glória ipypegua, aimépa che retépe térã okápe, ndaikatúi ha’e.
2 Ahechákuri okẽ porangue jojaha’ỹ oiketaha rupi upe rréino eredéro, ojoguáva tata rendy ojerévape;
3 Ahecha avei Tupã apykajegua ojajáiva, oguapyhápe Túva ha Ta’ýra.
4 Ahechákuri umi tape porãite upe rreinogua, ha’etéva órope oñepavimentapyréva.
5 Che ahechákuri Túva Adán ha Abraham-pe; ha che ru ha che sýpe; ha che tyke’ýra Alvin-pe, aréma omanova’ekue;
6 Ha ahecharamoite ha’e ohupytyhague peteĩ jehejapyre upe rréinope, osẽgui ko tekovégui Ñandejára oipyso mboyve ipo ombyaty hag̃ua Israel mokõiha árape, ha noñemongarairiva’ekue angaipakuéra rremisiõrã.
7 Upérõ, ou chéve Ñandejára ñe’ẽpu, he’ívo: Opavave omanova’ekue oikuaa’ỹre ko evanhélio, omog̃uahẽtavakuri ojehejáramo chupekuéra opyta, ha’éta Tupã reino celestial eredéro;
8 Avei opavave omanóva ko’ág̃a guive oikuaa’ỹre upéva, omog̃uahẽtavakuri opa ikorasõme, ha’éta ko rréino eredéro;
9 Che, Ñandejára, ahusgátagui opa tekovépe hembiapokuére, umi ikorasõ oipotaháicha.
10 Ha che ahecha avei opa mitã omanóva ohupyty mboyve eda oiporavokuaamaha, ojesalva yvagagua reino celestial-pe.