Seksiyon 80
Pagpadayag nga gihatag pinaagi ni Joseph Smith ang Propeta ngadto kang Stephen Burnett, sa Hiram, Ohio, Marso 7, 1832.
1–5, Si Stephen Burnett ug si Eden Smith gitawag sa pagsangyaw sa bisan asa nga dapit nga ilang pilion.
1 Sa pagkatinuod, miingon ang Ginoo nganha kanimo akong sulugoong Stephen Burnett: Lakaw, lakaw ngadto sa kalibotan ug isangyaw ang ebanghelyo ngadto sa matag nilalang kutob sa makadungog sa imong tingog.
2 Ug kon nagtinguha ka og kauban, ihatag nako kanimo ang akong sulugoon nga si Eden Smith.
3 Mao nga, panglakaw kamo ug isangyaw ang akong ebanghelyo, ngadto sa amihanan o ngadto sa habagatan, ngadto man sa silangan o ngadto sa kasadpan, dili kana igsapayan, kay dili kamo mangasaag.
4 Busa, ipahayag ang mga butang nga inyong nadungog, ug sa pagkatinuod tuohi, ug hibaloi nga kini tinuod.
5 Tan-awa, kabubut-on niya kini kinsa nagtawag kaninyo, ang inyong Manunubos, gani si Jesukristo. Amen.