Pagpadayag nga gihatag ngadto ni Joseph Smith ang Propeta, sa Nauvoo, Illinois, Enero 19, 1841. Tungod sa nagkadaghan nga mga pagpanglutos ug ilegal nga mga pamaagi batok kanila nga gihimo sa mga opisyal sa publiko, ang mga Santos napugos sa pagbiya sa Missouri. Ang mando sa pagpuo nga giisyu ni Lilburn W. Boggs, gobernador sa Missouri, nga gipetsahan og Oktubre 27, 1838, wala maghatag kanila og alternatibo. Niadtong 1841, sa dihang gihatag kini nga pagpadayag, ang siyudad sa Nauvoo, nga nahimutang sa dapit sa kanhi balangay sa Commerce, Illinois, natukod sa mga Santos, ug dinhi natukod ang punoang buhatan sa Simbahan.