Joseph F. Smith

Si Joseph F. Smith mao ang ikaunom nga Presidente sa Ang Simbahan ni Jesukristo sa mga Santos sa Ulahing mga Adlaw. Si Joseph 5 anyos ang panuigon sa dihang ang iyang amahan, si Hyrum Smith, gimartir ug 13 sa dihang ang iyang inahan, si Mary Fielding Smith, namatay. Sa edad nga 15, mialagad si Joseph F. Smith og misyon ngadto sa Sandwich Islands (karon Hawaii), ang una sa daghang mga misyon nga siya mialagad ngadto sa Hawaii ug sa Britanya. Sa 1866 gi-orden siya nga Apostol ug gitawag ngadto sa Unang Kapangulohan isip usa ka magtatambag ni Brigham Young; pagkasunod pa nga tuig siya gi-set apart isip usa ka miyembro sa Korum sa Napulog Duha ka mga Apostoles.¹ Nangasawa si Smith og 5 ka babaye ug may 48 ka anak, ang 5 kinsa mga sinagop. Gihulagway ang iyang pamilya pinaagi sa suod, magtinabangay nga mga relasyon. Human mialagad isip usa ka magtatambag ngadto sa upat ka mga Presidente sa Simbahan, gipaluyohan si Smith isip Presidente sa Simbahan kaniadtong 1901.

Joseph F. Smith

Litrato ni Joseph F. Smith.

Sa 17 ka tuig nga siya migiya sa Simbahan, si Joseph F. Smith dihay usa ka makahuluganong impluwensya sa kasinatian sa mga miyembro sa Simbahan diha sa ilang mga ward o mga branch. Ubos sa iyang pagdumala, dagko nga mga reporma sa organisasyon sa korum sa pagkapari gipaila, lakip ang pagpahiuyon sa unsay sumbanan sa kasubsob sa mga miting ug mga materyal sa kurikulum, pagpiho sa edad sa pag-orden alang sa nagkalain-laing mga katungdanan sa pagkapari, ug paghatag og gibug-aton sa mga paagi sa awtoridad sa pagkapari.²

Atol sa iyang mga katuigan isip Presidente sa Simbahan, mitrabaho usab si Smith aron sa pagpalambo sa relasyon tali sa Simbahan ug sa mas kinabag-an sa publiko. Kaniadtong 1904 miatubang siya sa Kongreso sa Estados Unidos isip kabahin sa mga husay nga gihimo mahitungod kon palingkuron ba si Reed Smoot, usa ka Apostol kinsa napili ngadto sa Senado.³ Samtang mipadayon siya sa mga paningkamot sa pagduol sa mas kinabag-an sa publiko, sa katapusan si Smith nakasaksi og dakong pagkunhod sa pagdumot ngadto sa Simbahan.

Gipasiugdahan ni Smith ang family home evening (karon gitawag isip home evening) ug mga programa sa seminary ug mitabang sa Simbahan sa pagtukod og impormasyon diha sa mga makasaysayanong mga dapit sa silangang Estados Unidos. Kaniadtong 1918 nadawat ni Smith ang pagpadayag kabahin sa kalibutan sa espiritu, nga sa kaulahian gidugang ngadto sa mga kasulatan isip Doktrina ug mga Pakigsaad 138.

Alang sa dugang nga impormasyon mahitungod sa kinabuhi ni Joseph F. Smith, tan-awa ang Prophets of the Restoration nga mga video kalabut sa history.ChurchofJesusChrist.org ug diha sa Gospel Library app.

Mga Kapanguhaan sa Simbahan

Mga Pagtulun-an sa mga Presidente sa Simbahan: Joseph F. Smith (Siyudad sa Salt Lake: Ang Simbahan ni Jesukristo sa mga Santos sa Ulahing mga Adlaw, 1998).

M. Russell Ballard, “Ang Panan-awon sa Katubsanan sa mga Patay,” Liahona, Nob. 2018, 71–74.

Lisa Olsen Tait, “Susan Young Gates and the Vision of the Redemption of the Dead,” sa Matthew McBride ug James Goldberg, eds., Revelations in Context: The Stories behind the Sections of the Doctrine and Covenants (Siyudad sa Salt Lake: Ang Simbahan ni Jesukristo sa mga Santos sa Ulahing mga Adlaw, 2016), 315–22.

“The Spirit World,” episode 26, The Mormon Channel Q&A, mormonchannel.org.

Joseph F. Smith papers, 1854–1918, Church History Library, Siyudad sa Salt Lake.

Bibliograpiya

Ang mosunod nga mga pagmantala naghatag og dugang nga impormasyon mahitungod niini nga hisgutanan. Pinaagi sa pagpakita o paghatag nimo ngadto niining mga kapanguhaan, wala kami mag-endorso o mogarantiya sa sulod o sa mga panglantaw sa mga tagsulat.

Joseph Fielding Smith, Life of Joseph F. Smith, Sixth President of The Church of Jesus Christ of Latter-day Saints (Siyudad sa Salt Lake: Deseret News Press, 1938).

George S. Tate, “‘The Great World of the Spirits of the Dead’: Death, the Great War, ug ang 1918 Influenza Pandemic as Context alang sa Doktrina ug mga Pakigsaad 138,” BYU Studies, vol. 46, nu. 1 (2007), 4–40.

Mubo nga mga Sulat

1. Tan-awa sa Hisgutanan: Ang Pagpuli sa Liderato sa Simbahan.

2. Tan-awa sa Hisgutanan: Adjustments to Priesthood Organization.

3. Daghang mga Amerikano niana nga panahon, nagsuspetsa nga ang mga pangulo sa Simbahan sa tago mipadayon sa pag-awhag sa supak sa balaod nga pagbuhat og dinaghan nga kaminyoon, mituki kon ang usa ka Apostol nga Santos sa Ulahing mga Adlaw angay ba nga mahimong usa ka senador. Naglalis sila nga siya mahimong mas maunungon ngadto sa Simbahan kay sa iyang katungdanan sa paghupot sa mga balaod sa Estadod Unidos. Tan-awa sa “The Manifesto and the End of Plural Marriage,”Gospel Topics Essays, topics.ChurchofJesusChrist.org.