Programa sa Pagpahimutang sa Indian nga Estudyante ngadto sa Panimalay sa usa ka Santos sa Ulahing mga Adlaw

Sa panahon sa ikaduhang katunga sa ika-20 nga siglo, mga kalim-an ka libo nga Lumad nga mga batang Amerikano miapil diha sa Programa sa Pagpahimutang sa Indian nga Estudyante ngadto sa Panimalay sa usa ka Santos sa Ulahing mga Adlaw (PPIE), usa ka plano nga gipasiugdahan sa mga miyembro sa Simbahan diin ang maong mga miyembro mopapuyo og mga estudyante sa panahon sa tuig sa ting-eskwela.¹ Alang sa Lumad nga mga partisipante, gitanyag sa programa ang edukasyonal ug espirituwal nga mga oportunidad agi og dugang ngadto sa unsay anaa kaniadto nga mga gitagana. Ang programa mihimo sa tig-abi-abi nga mga pamilya, kinsa kadaghanan puti nga mga Santos sa Ulahing mga Adlaw, sa pagpakigdait ug sa pagtabang sa mga American Indian, kinsa ilang nasabtan niana nga panahon nga mga kaliwat sa mga Lamanite diha sa Basahon ni Mormon.

Ang PPIE natukod pagkahuman dayon sa Ikaduhang Gubat sa Kalibotan diin midala og daghang American Indian ngadto sa pakigkontak sa nagpaibabaw nga kultura ug mikombinser sa daghang Lumad nga mga lider ug mga ginikanan sa bili sa Euro-American nga edukasyon. Sa 1946, ang gibanabana nga duha sa tulo ka bahin sa Navajo (Diné) nga pumupuyo––gikan diin usa ka mahinungdanong porsiyento sa PPIE miabot––walay nadawat nga pormal nga edukasyon. Ang Federal Indian nga mga eskwelahan kulang og mga pundo ug sa kasagaran dili maabot sa paglakaw sa Lumad nga mga kabataan. Ang mga ginikanan ug mga opisyal sa tribo atol sa panahon human sa gubat, nangita og mga paagi sa pagpagaan sa ka kabos sa ilang mga komunidad, sa ingon bukas ngadto sa bag-ong pang-edukasyon nga mga oportunidad alang sa nagtubo nga henerasyon.² Sa 1947, si Helen John, usa ka tinedyer nga mamomoo sa Richfield, Utah, mihangyo ug nadawat ang permiso sa pagpuyo uban sa usa ka lokal nga Santos sa Ulahing Adlaw nga pamilya ug nag-eskwela.³ Ang kasinatian ni John nagsilbi isip usa ka sundanan alang sa ubang kabatan-onang Indian kinsa sa inato nga paagi gibutang diha sa Santos sa Ulahing mga Adlaw nga mga pamilya sulod sa sunod nga pipila ka tuig. Agi og kalainan sa federal nga mga kaserahanan sa eskwelahan, diin ang Lumad nga mga bata mipuyo sa usahay walay pagtagad nga mga pasilidad sa eskwelahan, ang mitungha nga pamaagi sa Santos sa Ulahing mga Adlaw usa ka “lulinghayaw nga programa,” diin ang Lumad nga kabataan mipuyo uban sa tig-abi-abi nga mga pamilya, mitambong og lokal nga mga eskwelahan, ug natanom pag-ayo sa hunahuna ang kahibalo kabahin sa komunidad.⁴

Nahimo si Apostol Spencer W. Kimball ang nag-unang tigtanyag sa mga pagpaningkamot sa Simbahan sa ika-20 nga siglo sa pagkabig sa Lumad nga mga katawhan ug sa paghatag og tabang nga pang-edukasyon.⁵ Ubos sa iyang pagdumala, ang PPIE nahimong opisyal nga programa sa Simbahan sa 1954. Ang mga misyonaryo ug lokal nga mga lider sa Simbahan miawhag sa Lumad nga kabatan-onan sa pag-apil, samtang ang lokal nga mga lider sa pagkapari nanawag og tig-abi-abi nga mga pamilya. Ang PPIE naglihok ubos sa lisensyado nga departamento sa sosyal nga mga serbisyo sa Relief Society. Ang mga tigtabang sa mga pamilya naniguro nga ang Lumad nga mga aplikante labing minos otso anyos ang panuigon, anaa sa maayong panglawas, makahimo sa pag-eskwela, ug binunyagan nga mga miyembro sa Simbahan. Ang mga tigtabang sa mga pamilya naniguro usab nga ang tig-abi-abi nga mga pamilya aduna sa legal nga mga gikinahanglan nga mahimong temporaryong tig-amuma nga mga ginikanan ug, nakigtrabaho sa lokal nga mga lider sa pagkapari, mipanghimatuod nga sila mga miyembro nga nagsunod sa mga sumbanan sa Simbahan.⁶ Bisan og daghan sa unang mga partisipante mga kabataan nga Navajo ug gibutang sa mga panimalay sa Utah, samtang ang programa midako sa mga 1960, ang Lumad nga Amerikanong mga estudyante gikan sa daghang tribo nga mga nasod sa tibuok Estados Unidos ug Canada gipangbutang sa mga panimalay sa mga Santos sa Ulahing mga Adlaw sa tibuok Amihanang Kasadpan sa America.⁷ Gawas sa pag-eskwela, ang mga partisipante kasagarang miapil og mga kalihokan sa eskwelahan dugang sa mga klase, simbahan, ug ubang sosyal nga mga kalihokan nga gitinguha sa pagpalambo sa ilang kasinatian sa programa. Sa pagsuporta sa PPIE, ang Simbahan mipadagan sa Indian Seminary Program alang sa relihiyosong panudlo.⁸

Ang PPIE mihatag og nagsagol nga mga resulta. Sumala sa usa ka pagtuon sa 1981, daghang partisipante ang milungtad, migradwar sa hayskul ug nagtambong sa kolehiyo nga mas daghan kay sa mga Lumad kinsa wala moapil sa programa, nahatagan sa dili maayo nga mga kapiliang pang-edukasyon. Daghang mga gradwado sa PPIE mi-eskwela sa Brigham Young University, nga mipadagan sa usa sa labing dako nga mga programa sa Lumad nga Amerikanong edukasyon sa Tinipong Bansa sa mga 1970. Human sa migradwar, daghang partisipante ang mipalungtad og taas nga ang-ang sa pasalig ngadto sa Simbahan, nag-apil diha sa ilang kongregasyon, nagbayad sa ikapulo, nagsunod sa Pulong sa Kaalam, ug sa nagminyo diha sa templo.⁹ Ang ubang mga partisipante, hinoon, nakakaplag nga ang pagpahiangay ngadto sa PPIE nga kaliwat ug paghiusa sa mga pasalig malisod. Bisan tuod og ang programa nag-awhag sa mga partisipante sa pagpalungtad og kanunay nga kontak sa ilang mga pamilya ug sa pagpauli ngadto sa panimalay sa panahon sa mga ting-init, daghan ang nakakita nga ang paghatag sa programa og pribilehiyo sa Kasadpan nga mga mithi mibulag kanila gikan sa ilang Lumad nga pamilya ug kultura.¹⁰

Ang tinuig nga pagpalista sa PPIE misaka sa lima ka libo nga mga partisipante sa 1970, human diin usa ka kombinasyon sa mga hinungdan migiya ngadto sa usa ka hinay apan kanunay nga pagkaus-os. Sa gawas, ang mga aktibista nga nitibo misugod sa pagsaway sa PPIE isip usa ka himan sa pagtipon. Sa sulod, ang Simbahan misugod sa pagpahapsay ug sa pagpahiuyon sa mga programa ngadto sa sumbanan niini, diin gilakip ang pagpugong ug pagkunhod sa PPIE. Kini migiya ngadto sa pipila ka panaglalis sa sulod.¹¹ Sa kadugayan legal ug pinansyal nga mga pagpugong mipadayon sa programa nga dili mahimo. Kini nga mga pagpugong ug ang daghang mga pag-uswag sa eskwelahan kabahin sa mga reserbasyon migiya sa mga lider sa Simbahan sa paghunahuna nga ang programa kinahanglan nga dili ipadayon. Ang kataposang mga partisipante sa PPIE migradwar sa hayskul sa 2000.

Mga Kapangohaan sa Simbahan

Anak nga mga Babaye sa Akong Gingharian: Ang Kasaysayan ug Buhat sa Relief Society (Siyudad sa Salt Lake: Ang Simbahan ni Jesukristo sa mga Santos sa Ulahing mga Adlaw, 2011), 75–76.

Bibliyograpiya

Ang mosunod nga mga pagmantala naghatag og dugang nga impormasyon mahitungod niini nga hilisgotan. Pinaagi sa pagpadangop o sa pagkonektar kanimo ngadto niini nga mga kapangohaan, wala kami mag-endorso o maggarantiya sa sulod o sa mga panghunahuna sa mga tagsulat.

Matthew Garrett, Making Lamanites: Mormons, Native Americans, and the Indian Student Placement Program, 1947–2000 (Siyudad sa Salt Lake: University of Utah Press, 2016).

Dale L. Shumway and Margene Shumway, eds., The Blossoming: Dramatic Accounts of the Lives of Native Americans in the Foster Care Program of The Church of Jesus Christ of Latter-day Saints (2002).

James B. Allen, “The Rise and Decline of the LDS Indian Student Placement Program, 1947–1996,” in Davis Bitton, ed., Mormons, Scripture, and the Ancient World: Studies in Honor of John L. Sorenson (Provo, UT: Foundation for Ancient Research and Mormon Studies, 1998), 85–119.

Kalabot nga mga Hilisgotan: Native Americans, Lamanite Identity, Spencer W. Kimball

1. Mga kal-ang sa PPIE nga mga rekord sa kasaysayan naghimo sa pagpiho sa eksakto nga gidaghanon sa mga partisipante nga imposible. Si Clarence R. Bishop, usa ka dugay na kaayong tigtabang sa pamilya ug wala madugay direktor sa programa, mibanabana sa 2002 nga ang kalim-an ka libo ka mga estudyante nakaapil sa programa; tan-awa sa Dale L. Shumway ug Margene Shumway, eds., The Blossoming: Dramatic Accounts of the Lives of Native Americans in the Foster Care Program of The Church of Jesus Christ of Latter-day Saints (2002), x; Matthew Garrett, Making Lamanites: Mormons, Native Americans, and the Indian Student Placement Program, 1947–2000 (Siyudad sa Salt Lake City: University of Utah Press, 2016), 251, note 1.

2. Donald L. Fixico, The Urban Indian Experience in America (Albuquerque: University of New Mexico Press, 2000); Farina King, The Earth Memory Compass: Diné Landscapes and Education in the Twentieth Century (Lawrence: University Press of Kansas, 2018), 93–110; Hildegard Thompson, The Navajos’ Long Walk for Education: A History of Navajo Education (Tsaile, Navajo Nation, Arizona: Navajo Community College Press, 1975), 74, 78–79.

3. Helen J. Hall, interview by J. Neil Birch, Oct. 10, 1978, J. Neil Birch Indian Placement Program Oral History Transcripts, Church History Library, Salt Lake City; Thelma S. Buchanan, interbyu ni William G. Hartley, Okt. 12, 1976, 3–12, Church History Library, Salt Lake City; Golden R. Buchanan, Oral Histories, 1974–1975, vol. 2, 3–8, Church History Library, Salt Lake City.

4. Clarence R. Bishop, “Indian Placement: A History of the Indian Student Placement Program of the Church of Jesus Christ of Latter-day Saints” (master’s thesis, University of Utah, 1967), 29–41. Sa unang mga modelo sa “lingawlingaw nga mga programa,” tan-awa sa David Wallace Adams, Education for Extinction: American Indians and the Boarding School Experience, 1875–1928, 2nd ed. (Lawrence: University Press of Kansas, 2020), 174–83.

5. Edward L. Kimball, Lengthen Your Stride: The Presidency of Spencer W. Kimball (Salt Lake City: Deseret Book, 2005), 288–95. Alang sa dugang pa sa nangaging mga paningkamot sa pagkabig taliwala sa Lumad nga mga Amerikano, tan-awa ang mga Hilisgotan: American Indians, Indian Slavery and Indentured Servitude, Lamanite Identity.

6. Bishop, “Indian Placement,” 42–75; Garrett, Making Lamanites, 58–90, 93.

7. Garrett, Making Lamanites, 83–84; Jessie L. Embry, “Indian Placement Program Host Families: A Mission to the Lamanites,” Journal of Mormon History, vol. 40, no. 2 (Spring 2014), 235–76.

8. Garrett, Making Lamanites, 85–86, 91–127; Scott C. Esplin, “‘You Can Make Your Own Bright Future, Tom Trails’: Evaluating the Impact of the LDS Indian Seminary Program,” Journal of Mormon History, vol. 42, no. 4 (Okt. 2016), 172–207.

9. Nakaplagan sa 1981 nga pagtuon nga 82 porsyento sa mga estudyante kinsa miapil sa PPIE sulod sa dili mominos sa usa ka tuig migradwar gikan sa hayskul, sa gidaghanon nga labaw sa 20 porsyento ka punto nga mas labaw kaysa ilang mga kaedad. Duha sa tulo ka bahin sa PPIE mibiya sa programa tungod sa nagkalainlaing mga rason sa wala pay gradwasyon. Bruce A. Chadwick and Stan L. Albrecht, “Mormons and Indians: Beliefs, Policies, Programs, and Practices,” sa Marie Cornwall ug uban pa, eds., Contemporary Mormonism: Social Science Perspectives (Urbana: University of Illinois Press, 1994), 295–309; Armand L. Mauss, All Abraham’s Children: Changing Mormon Perceptions of Race and Lineage (Urbana: University of Illinois Press, 2003), 82–92.

10. Elise Boxer, “‘The Lamanites Shall Blossom as the Rose’: The Indian Student Placement Program, Mormon Whiteness, and Indigenous Identity,” Journal of Mormon History, vol. 41, nu. 4 (Okt. 2015), 132–76; Garrett, Making Lamanites, 169–234; Carolyn Rittenhouse, “Sacred Journey: Restoring My Plains Indians Tipi,” in Jaqueline Fear-Segal and Susan D. Rose, eds., Carlisle Indian Industrial School: Indigenous Histories, Memories, and Reclamations (Lincoln: University of Nebraska Press, 2018), 258–73.

11. Garrett, Making Lamanites, 169–234. Si Navajo George P. Lee, usa ka dungganang PPIE nga gradwado kinsa nakabaton sa pagka-doktor sa edukasyon gikan sa BYU ug kinsa miserbisyo isip presidente sa misyon ug sakop sa Seventy, napahimulag sa 1989 sa usa ka bahin tungod sa iyang prangka nga mga pagsaway sa pag-us-os sa PPIE. Tan-awa sa “Elder Richard G. Scott of the First Quorum of the Seventy,” Ensign, Nob 1975, 136–37.