Kasaysayan sa Simbahan
Ang Paghusay ni Joseph Smith sa 1826


“Ang Paghusay ni Joseph Smith sa 1826,” Mga Hisgutanan sa Kasaysayan sa Simbahan

“Ang Paghusay ni Joseph Smith sa 1826”

Ang Paghusay ni Joseph Smith sa 1826

Niadtong 1826, si Josiah Stowell mi-hire ni Joseph Smith aron sa pagtabang sa pagpangita sa nawala nga Spanish nga pilak duol sa utlanan sa New York ug Pennsylvania. Usa ka tawo sa komunidad, siguro sakop sa paryente sa mga Stowell, mipasangil kang Joseph nga nagtutok sa usa ka bato sa pagdiskobre sa nawala nga kabtangan. Agig sangputanan, si Joseph gimandoan nga moatubang sa huwes sa kalinaw nga si Albert Neely didto sa Distrito sa Chenango, tingali sa kaso nga samok nga binuhatan. Nakita nga ang iyang pagkadakop gibase sa balaod sa New York nga naghimo og kriminalidad “nagpakaaron-ingnon . . . sa pagdiskubre diin ang nawala nga mga butang mahimong makit-an.”1 Upat ka mga asoy ang naghulagway niini nga paghusay, ang tanan nagsugyot nga si Joseph walay seryuso nga legal nga ikapahamtang agi og sangputanan niini. Ang Ubang mga detalye managlahi ug usahay sukwahi sa usag usa.2

Sa iyang pagpamatuod, si Joseph andam nga miuyon nga undang-undang ang iyang paggamit sa bato sa manalagna sa pagpangita sa nawala nga mga butang, apan gihunong na niya ang maong buhat—nakadaot kini sa iyang mga mata, miingon siya. Wala gayud siya nagpangita sa ingon ana nga buhat ug “kanunay hinoong balibaran ang bisan unsang butang nga may kalabutan niining nga binuhatan.”3 Ang huwes misusi sa bato ug mikwestyon sa uban nga mga testigo, lakip sa amahan ni Joseph, si Joseph Smith Sr., ug ang agalon ni Joseph, si Josiah Stowell.

Si Joseph Sr. ug si Josiah Stowell mipamatuod nga si Joseph misugot sa mga hangyo sa paggamit sa iyang bato sa manalagna aron lang sa pagtabang sa mga higala o, sa sitwasyon ni Stowell, sa pagtabang ni Stowell ug sa uban nga gikontrata nga mga trabahante sa pagkalot og bahandi. Si Stowell misalig ni Joseph ug gipasalamatan ang iyang buhat. Si Joseph Sr. naglaum sa iyang anak nga dili moabuso sa gasa diha sa pagpangita og kalibutanong mga bahandi ug nag-ampo sa Dios nga mopadayag sa Iyang kabubut-on ngadto sa batan-on. Ang ubang mga saksi nga mitestigo mituo sa kahanas ni Joseph, ang uban wala.4

Ang resulta sa paghusay nagpabilin nga usa ka tanghaga (puzzle). Usa ka rekord sa korte giangkon nga nasuta sa huwes nga si Joseph sad-an. Usa ka silingan ni Josiah Stowell nangangkon nga ang korte “mikondinar” ni Joseph apan mitugot kaniya nga makalingkawas tungod sa iyang kabatan-on. Usa ka higala sa huwes nga nangangkon nga nagsulat atol sa husay nga ang huwes midawat sa pagpamatuod ni Stowell ug gibuhian si Joseph. Si Oliver Cowdery, nga wala motambong sa husay (nakigkita siya ni Joseph Smith mga tulo ka tuig pa ang milabay), mihisgut nga lagmit resulta sa nawala nga dokumentasyon, nga si Joseph nahukman nga dili sad-an sa pagkasamukan nga tawo.5

Mubo nga mga sulat

  1. “An Act for Apprehending and Punishing Disorderly Persons,” diha sa Laws of the State of New-York, Revised and Passed at the Thirty-Sixth Session of the Legislature, with Marginal Notes and References, Furnished by the Revisors, William P. Van Ness & John Woodworth, Esquires, Pursuant to the Act, Entitled “An Act for Publishing the Laws of this State,” Passed April 13th, 1813, 2 vols. (Albany: H. C. Southwick, 1813), 1:114–17, ilabina sa sek. I.

  2. Ang upat ka mga asoy ni Abram W. Benton, “Mormonites,” Evangelical Magazine and Gospel Advocate, vol. 2, nu. 15 (Abr. 9, 1831), 120; William D. Morado, “Joseph Smith, the Originator of Mormonism,” Chenango Union, vol. 30, nu. 33 (Mayo 2, 1877), 3; “State of New York v. Joseph Smith,” sa Charles Marshall, “The Original Prophet,” Fraser’s Magazine, vol. 7, nu. 38 (Peb. 1873), 229–30; ug Oliver Cowdery, “Letter VIII,” Latter Day Saints’ Messenger and Advocate, vol. 2, nu. 1 (Okt. 1835), 195–202.

    Si Abram Benton nagpuyo duol sa umahan ni Josiah Stowell, apan wala kini naklaro kon mitambong ba siya sa husay. Si William Purple nangangkon nga siya ug si Judge Neely suod nga managhigala ug nga ang huwes mihangyo niya nga magsulat diha sa husay. Si Charles Marshall miingon nga nakadawat siya sa rekord sa korte gikan sa pag-umangkon sa huwes, si Emily Pearsall. Si Pearsall wala mahisguti ang pangalan diha sa asoy ni Marshall, apan ang iyang pagkatawo nakumpirmar diha sa Utah Christian Advocate, vol. 2, nu. 13 (Ene. 15, 1886), 1. Ang Utah Christian Advocate nagpasabut ngadto ni Pearsall nga naggisi sa mga pahina sa listahan sa mga legal nga kaso sa huwes, samtang ang asoy sa Marshall diha sa Fraser’s Magazine namahayag nga si Pearsall mipahulam sa mga papel ngadto ni Marshall diin siya mikopya sa hudisyal nga mga kahimoan. Ang listahan sa legal nga mga kaso ni Judge Neely ug ang mga pahina nga tangtangon unta ni Pearsall wala na diha. Si Oliver Cowdery wala maghisgut diin siya nakakuha og impormasyon mahitungod sa paghusay, apan dali ra unta niyang mahibaloan ang mga detalye gikan sa usa sa mga tawo nga nalambigit ug misubli sa ilang mga obserbasyon sa panghitabo.

    Ang istorya wala magtakdo kon si kinsa ang nag-akusar ug nagpasaka og pasangil batok ni Joseph Smith. Si Benton namahayag nga ang publiko mipasangil kang Joseph isip usa ka samokan nga tawo; si Purple nangangkon nga ang anak nga mga lalaki ni Stowel mipadakop ni Joseph isip usa ka latagaw nga tawo; ang korte mirekord, sumala ni Marshall, nag-ingon nga ang pag-umangkon ni Stowell nga si Peter Bridgeman miaresto ni Joseph isip usa ka samukan nga tawo. Ang mga asoy wala usab motakdo kon si kinsa ang mitestigo atol sa paghusay. Si Benton naghisgot lamang ni Josiah Stowell; si Purple naghisgot ni Joseph Jr., Joseph Sr., Stowell, ug usa ka Mr. Thompson (nailhan sa Fraser’s Magazine isip Jonathan Thompson); ang rekord sa korte sumala ni Marshall mibaliwala ni Joseph Sr. ug naghisgot nila ni Joseph Jr., Stowell, Thompson, ug tulo ka mga testigo nga wala mahisguti diha sa uban nga mga asoy.

  3. “State of New York v. Joseph Smith,” 229–30.

  4. Purple, “Originator of Mormonism,” 3.

  5. “State of New York v. Joseph Smith,” 229–30; Benton, “Mormonites,” 120; Purple, “Originator of Mormonism,” 3; Cowdery, “Letter VIII,” 201.

    Kon mipadayon pa ang huwes sa kasong kriminal o kon dili mihukom nga sad-an, ang balaod sa New York magkinahanglan unta nga siya mobuhat og duha ka butang: ipadala si Joseph ngadto sa usa ka “bridewell” (gitawag usab og usa ka balay sa kabus) ug mo-file og dokumento nga maghingalan sa sinumbong ug ang sumbong, inubanan sa pamahayag sa pagkakumbikto ug mipatuman og silot. Dinhi niining sitwasyon, ang huwes walay gihimo. Ang pinakaduol nga bridewell walay nahisgutan bahin ni Joseph Smith sulod sa tuig 1826, ug walay ngalan nga Joseph sa mga rekord sa korte, nga nalambigit og bisan unsang sumbong batok kaniya, o nakonektado sa pagkakombikto o silot ngadto kaniya (Gordon A. Madsen, “Being Acquitted of a ‘Disorderly Person’ Charge in 1826,” diha sa Gordon A. Madsen, Jeffrey N. Walker, ug John W. Welch, eds., Sustaining the Law: Joseph Smith’s Legal Encounters [Provo, Utah: Brigham Young University Studies, 2014], 89–90).