Mga Istorya sa Unang Panan-awon ni Joseph Smith

Girekord ni Joseph Smith nga ang Dios nga Amahan ug si Jesukristo mipakita ngadto kaniya didto sa kakahuyan duol sa balay sa iyang ginikanan sa kasadpang Estado sa New York sa nag-edad pa siya og mga 14 anyos. Nabalaka sa iyang mga sala ug dili sugurado kon hain sa espirituhanon nga dalan ang subayon, si Joseph nangita og giya pinaagi sa pagtambong og mga miting, pagbasa sa kasulatan, ug sa pag-ampo. Agig tubag, nakadawat siya og usa ka langitnong pagpakita. Gipakigbahin ug gidokumentuhan ni Joseph ang Unang Panan-awon, samtang kini nahibaloan, sa makadaghan nga mga okasyon; siya misulat o mitudlo og mga eskriba aron mosulat sa upat ka managlahing istorya sa panan-awon.

Si Joseph Smith nagluhod sa Sagradong Kakahuyan

Usa ka paghulagway ni Joseph Smith didto sa Sagrado nga Kakahuyan.

Gimantala ni Joseph Smith ang duha ka mga istorya sa Unang Panan-awon atol sa iyang kinabuhi. Ang una niini, nailhan karon isip Joseph Smith—Kasaysayan, opisyal nga gitugutan diha sa ang Perlas nga Labing Bililhon ug nahimong labing inila nga istorya. Ang duha ka mga istorya nga wala mamantala, narekord diha sa labing una nga autobiograpiya ni Joseph Smith ug sa naulahi nga journal, kadaghanan nahikalimtan hangtud nga ang mga historian nga nakigtambayayong sa Ang Simbahan ni Jesukristo sa mga Santos sa Ulahing mga Adlaw subling midiskubre ug mimantala niini niadtong mga 1960. Agi og dugang sa nahaunang mga istorya, aduna say lima ka mga paghulagway sa panan-awon ni Joseph Smith nga narekord sa iyang mga kaedad.

Ang pipila ka mga istorya sa Unang Panan-awon nagsulti og makanunayon nga saysay, bisan kon managlahi kini sa gihatagag nga gibug-aton ug detalye. Ang mga tigsaysay naglaum nga kon ang indibidwal mosulti og usa ka kasinatian sa daghang mga sitwasyon sa lain-laing tigpaminaw sa daghang katuigan, ang matag istorya mohatag og gibug-aton sa lain-laing mga aspeto sa kasinatian ug maglakip og lahi nga mga detalye. Sayop nga nakiglalis ang uban nga ang bisan unsang pagkausab diha sa pagsaysay og balik sa istorya usa ka ebidensya nga kini tumo-tumo. Hinoon, ang daghang rekord sa kasaysayan nagtugot kanato nga makat-on pa mahitungod niining talagsaong hitabo kay sa atong mahimo kon wala kaayo kini madokumento.

Mga Kapanguhaan sa Simbahan

“First Vision Accounts,” Mga Hisgutanan sa Ebanghelyo, topics.lds.org.

First Vision Accounts videos, josephsmithpapers.org.

“Primary Accounts of Joseph Smith’s First Vision of Deity,” josephsmithpapers.org.

“Ask of God: Joseph Smith’s First Vision,” history.lds.org.

Bibliograpiya

Ang mosunod nga mga pagmantala nakahatag og dugang impormasyon kabahin niining hisgutanan. Pinaagi sa pagpakita o pag-link nimo ngadto niining mga kapanguhaan, wala kami mag-indorso o mogarantiya sa sulod o sa mga panglantaw sa tagsulat.

Dean C. Jessee, “The Earliest Documented Accounts of Joseph Smith’s First Vision,” sa John W. Welch, ed., Opening the Heavens: Accounts of Divine Manifestations, 1820–1844 (Provo, Utah: Brigham Young University Press, 2005), 1–33.

James B. Allen ug John W. Welch, “The Appearance of the Father and the Son to Joseph Smith in 1820,” sa Opening the Heavens, 35–75.

Steven C. Harper, Joseph Smith’s First Vision: A Guide to the Historical Accounts (Siyudad sa Salt Lake City: Deseret Book, 2012).

May Kalabutan nga Hisgutanan: Awakenings and Revivals, Palmyra and Manchester, Sacred Grove and Smith Family Farm