“Pagpangita og Bahandi,” Mga Hisgutanan sa Kasaysayan sa Simbahan
“Pagpangita og Bahandi”
Pagpangita og Bahandi
Ang mga kritiko ni Joseph Smith kanunayng naningkamot sa pagbiay-biay kaniya pinaagi sa paghingalan kaniya og tigkalot og salapi o tigpangita og bahandi. Kay sa ilimud ang pasangil, si Joseph miangkon sa iyang opisyal nga kasaysayan nga si Josiah Stowell mipatrabaho kaniya niadtong 1825 aron sa pagtabang sa usa ka pagpanimpalad sa pagpangita og bahandi didto sa amihanang Pennsylvania.1 Gusto ni Stowell nga magpatabang niya kay si Joseph naila sa pipila sa iyang mga silingan nga usa ka “manalagna”—usa ka tawo nga makatan-aw ngadto sa espesyal nga bato ug makapangita sa nawala o sa tinagoan nga mga butang.2
Ang “makakita” ug “manalagna” maoy kabahin sa kultura nga gidak-an ni Joseph Smith. Pipila ka mga tawo sa sayo nga bahin sa ika-19 nga siglo mituo nga posible nga ang usa ka tawo tugahan nga makakita sa mga nawala nga mga butang pinaagi sa materyal nga mga butang sama sa bato. Si Joseph Smith ug ang iyang pamilya, sama sa kadaghanan nga naglibut kanila, midawat niining pamilyar nga buhat.
Niadtong mga 1820, usa ka pagpaukyag sa gituohan nga mga deposito sa bahandi sa Kastila nga misangpot sa mga tigsuhid (prospectors) sama ni Josiah Stowell nga magpatabang sa mga manalagna sama ni Joseph sa ilang pagpangita sa bahandi.3 Misalig si Stowell ni Joseph, nagtinguha sa iyang tabang sa pagpangita og bahandi, ug gani mituo sa iyang tambag sa paghunong na sa pagpangita. Gikonsiderar ni Joseph Smith Sr. nga ang abilidad sa iyang anak sagrado ug nanghinaut nga mohunong na siya sa paggamit niini sa pagpangita og yutan-on nga mga bahandi.4 Samtang nangandam si Joseph sa paghubad sa Basahon ni Mormon, gisugo siya nga wala nay lain pang buhaton kalabut niadtong nangita og bahandi ug hinoon gamiton ang iyang gasa sa paghubad ug magtinguha og pagpadayag.
Bisan og komon na kini sa panahon ug sa lugar ni Joseph Smith nga makahinagbo og tawo nga miangkon sa paggamit og bato sa pagpangita sa nawagtang o tinagoan nga mga butang, ang paggamit og bato sa manalagna sa paghubad sa karaan nga mga rekord wala pa idungog. Ang Dios mihatag ni Joseph Smith og gahum sa paghubad sa Basahon ni Mormon, giusab ni Joseph ang paggamit sa bato sa manalagna ngadto sa buhat sa espirituhanon nga kinaiyahan.
May kalabutan nga mga Hisgutanan: Book of Mormon Translation [Hubad sa Basahon ni Mormon], Seer Stone [Mga Bato sa Manalagna], Ang Paghusay ni Joseph Smith sa 1826