ອານາຈັກຂອງພຣະເຈົ້າຢູ່ເທິງແຜ່ນດິນໂລກແມ່ນ ສາດສະໜາຈັກຂອງພຣະເຢຊູຄຣິດແຫ່ງໄພ່ພົນຍຸກສຸດທ້າຍ (ຄພ 65). ຈຸດປະສົງຂອງສາດສະໜາຈັກແມ່ນເພື່ອຕຽມສະມາຊິກໃຫ້ມີຊີວິດຕະຫລອດການໃນອານາຈັກຊັ້ນສູງ ຫລື ອານາຈັກສະຫວັນ. ເຖິງຢ່າງໃດກໍຕາມ, ບາງເທື່ອພຣະຄຳພີເອີ້ນສາດສະໜາຈັກ ວ່າເປັນອານາຈັກສະຫວັນ, ໝາຍຄວາມວ່າ ສາດສະໜາຈັກເປັນອານາຈັກສະຫວັນຢູ່ເທິງແຜ່ນດິນໂລກ.
ສາດສະໜາຈັກຂອງພຣະເຢຊູຄຣິດແຫ່ງໄພ່ພົນຍຸກສຸດທ້າຍເປັນອານາຈັກຂອງພຣະເຈົ້າຢູ່ເທິງແຜ່ນດິນໂລກ, ແຕ່ໃນເວລານີ້ ມັນຖືກກຳນົດໃຫ້ເປັນອານາຈັກຝ່າຍສາດສະໜາເທົ່ານັ້ນ. ໃນໄລຍະພັນປີ, ອານາຈັກຂອງພຣະເຈົ້າຈະເປັນທັງຝ່າຍການເມືອງ ແລະ ຝ່າຍສາດສະໜາ.