ໂຣມ, ສານເຖິງ
ໃນພຣະຄຳພີໃໝ່, ຈົດໝາຍທີ່ໂປໂລໄດ້ຂຽນເຖິງໄພ່ພົນຂອງພຣະເຈົ້າໃນກຸງໂຣມ. ເພິ່ນກຳລັງຄິດຈະໄປຢ້ຽມຢາມເຢຣູຊາເລັມ, ຊຶ່ງມີອັນຕະລາຍແນ່ນອນ. ຖ້າເພິ່ນລອດຊີວິດມາໄດ້, ເພິ່ນຫວັງວ່າເພິ່ນຈະໄດ້ໄປຢ້ຽມຢາມໂຣມຫລັງຈາກນັ້ນ. ພາກສ່ວນໜຶ່ງຂອງຈົດໝາຍ ແມ່ນຕັ້ງໃຈຈະຕຽມສາດສະໜາຈັກຢູ່ທີ່ນັ້ນ ໃຫ້ພ້ອມທີ່ຈະຕ້ອນຮັບເພິ່ນ ເມື່ອເພິ່ນໄປເຖິງ. ຈົດໝາຍດັ່ງກ່າວຍັງຖືກຖືວ່າ ມີຖ້ອຍຄຳຂອງຄຳສອນບາງຢ່າງ ຊຶ່ງເຄີຍໂຕ້ຖຽງກັນ ແລະ ໂປໂລນັບຖືວ່າ ເວລານີ້ມັນໄດ້ຍຸດຕິລົງແລ້ວ.
ບົດທີ 1 ບັນຈຸຄຳທັກທາຍຂອງໂປໂລຕໍ່ຊາວໂຣມ. ບົດທີ 2–11 ບັນຈຸຂໍ້ປະກາດຫລາຍຂໍ້ກ່ຽວກັບຄຳສອນ ເລື່ອງສັດທາ, ວຽກງານ, ແລະ ພຣະຄຸນ. ບົດທີ 12–16 ບັນຈຸຄຳສອນທີ່ປະຕິບັດໄດ້ ເລື່ອງຄວາມຮັກ, ໜ້າທີ່, ແລະ ຄວາມສັກສິດ.