ຍາກລຳບາກ, ຄວາມຍາກລຳບາກ ເບິ່ງ ຂົ່ມເຫັງ, ການຂົ່ມເຫັງ; ຕີສອນ, ການຕີສອນ; ລໍ້ລວງ, ການລໍ້ລວງ; ອົດທົນ, ຄວາມອົດທົນ ນຳອີກ ຜ່ານຄວາມຍາກລຳບາກ—ການທົດລອງ, ບັນຫາ, ແລະ ຄວາມໂສກເສົ້າ—ມະນຸດສາມາດມີປະສົບການຫລາຍຢ່າງ ທີ່ນຳໄປສູ່ຄວາມເຕີບໂຕທາງວິນຍານ ແລະ ຄວາມກ້າວໜ້ານິລັນດອນ ໂດຍການຫັນໄປຫາພຣະຜູ້ເປັນເຈົ້າ. ພຣະເຈົ້າພຣະອົງເອງໄດ້ຊ່ວຍກູ້ເອົາພວກເຈົ້າໃຫ້ພົ້ນຈາກຄວາມຍາກລຳບາກ ຕະຫລອດທັງຄວາມຫຍຸ້ງຍາກທຸກຢ່າງດ້ວຍ, 1 ຊມອ 10:19. ເມື່ອເດືອດຮ້ອນຈຶ່ງຮ້ອງຫາອົງພຣະຜູ້ເປັນເຈົ້າໃຫ້ຊ່ວຍຊູ, ພສສ 107:6, 13, 19, 28. ພຣະຜູ້ເປັນເຈົ້າຈະເຮັດໃຫ້ພວກເຈົ້າຜ່ານພົ້ນຄວາມຍາກລຳບາກໄປໄດ້, ແຕ່ພຣະອົງເອງຈະຢູ່ໃນທີ່ນັ້ນເພື່ອສິດສອນພວກເຈົ້າ, ອຊຢ 30:20–21. ມັນຈຳເປັນວ່າ ຕ້ອງມີການກົງກັນຂ້າມໃນທຸກຢ່າງ, 2 ນຟ 2:11. ຖ້າຫາກພວກເຂົາບໍ່ເຄີຍມີຄວາມຂົມ ພວກເຂົາຈະຮູ້ຄວາມຫວານບໍ່ໄດ້, ຄພ 29:39. ຄວາມຍາກລຳບາກຂອງເຈົ້າ ຈະເປັນຢູ່ພຽງຊົ່ວຄາວ, ຄພ 121:7–8. ສິ່ງທັງໝົດເຫລົ່ານີ້ຈະເປັນປະສົບການໃຫ້ແກ່ເຈົ້າ, ແລະ ຈະເກີດຂຶ້ນເພື່ອຄວາມດີຂອງເຈົ້າ, ຄພ 122:5–8. ພວກເຂົາຈະໄດ້ຊີມລົດຊາດອັນຂົມຂື່ນ, ເພື່ອວ່າພວກເຂົາຈະຮູ້ຈັກໃຫ້ຄຸນຄ່າແກ່ຄວາມດີ, ມຊ 6:55.