ເກີດໃໝ່, ເກີດຈາກພຣະເຈົ້າ ເບິ່ງ ທີ່ຖືກຳເນີດ; ບັບຕິສະມາ, ໃຫ້ບັບຕິສະມາ; ບຸດ ແລະ ທິດາຂອງພຣະເຈົ້າ; ປ່ຽນໃຈ, ການປ່ຽນໃຈເຫລື້ອມໃສ; ມະນຸດທີ່ມີຈິດໃຈທຳມະດາ; ລູກໆຂອງພຣະຄຣິດ ນຳອີກ ເພື່ອໃຫ້ພຣະວິນຍານຂອງພຣະຜູ້ເປັນເຈົ້າກໍ່ໃຫ້ເກີດການປ່ຽນແປງອັນຍິ່ງໃຫຍ່ໃນໃຈຂອງບຸກຄົນ ເພື່ອເຂົາຈະບໍ່ມີຄວາມປາດຖະໜາທີ່ຈະເຮັດຄວາມຊົ່ວ, ມີແຕ່ປາດຖະໜາທີ່ຈະສະແຫວງຫາສິ່ງທີ່ເປັນຂອງພຣະເຈົ້າ. ເຮົາຈະໃຫ້ເຂົາມີຄວາມຄິດ ແລະ ຈິດໃຈໃໝ່, ອຊກ 11:19 (ອຊກ 18:31; 36:26). ຜູ້ທີ່ເຊື່ອໃນພຣະນາມຂອງພຣະຄຣິດໄດ້ເກີດມາ, ບໍ່ແມ່ນຈາກເລືອດເນື້ອ, ແຕ່ເກີດຈາກພຣະເຈົ້າ, ຢຮ 1:12–13. ຍົກເວັ້ນແຕ່ມະນຸດຈະເກີດຈາກນ້ຳ ແລະ ພຣະວິນຍານ, ເຂົາຈະເຂົ້າໄປໃນອານາຈັກຂອງພຣະເຈົ້າບໍ່ໄດ້, ຢຮ 3:3–7. ພວກເຮົາສາມາດເກີດໃໝ່ອີກໂດຍພຣະຄຳຂອງພຣະເຈົ້າ, 1 ປຕ 1:3–23. ຜູ້ໃດກໍຕາມທີ່ເກີດຈາກພຣະເຈົ້າກໍບໍ່ເຮັດບາບອີກຕໍ່ໄປ, ປຈສ, 1 ຢຮ 3:9. ເພາະທຸກຄົນທີ່ເກີດຈາກພຣະເຈົ້າກໍມີໄຊຕໍ່ໂລກ, 1 ຢຮ 5:4. ຄົນທີ່ເກີດຈາກພຣະຄຣິດເຮັດພັນທະສັນຍາກັບພຣະເຈົ້າ, ມຊຢ 3:19; 5:2–7. ຄົນທັງປວງຕ້ອງເກີດໃໝ່; ແທ້ຈິງແລ້ວ, ເກີດຈາກພຣະເຈົ້າ, ມຊຢ 27:25–26 (ແອວ 5:49). ພວກທ່ານໄດ້ເກີດຈາກພຣະເຈົ້າທາງວິນຍານແລ້ວບໍ, ແອວ 5:12–19. ຖ້າຫາກທ່ານບໍ່ເກີດໃໝ່ ທ່ານຈະບໍ່ໄດ້ຮັບອານາຈັກສະຫວັນມາເປັນມູນມໍລະດົກ, ແອວ 7:14. ຜູ້ໃດກໍຕາມທີ່ເຊື່ອໃນຄຳຂອງເຮົາຈະໄດ້ເກີດໃໝ່ຈາກເຮົາ, ແມ່ນແຕ່ດ້ວຍນ້ຳ ແລະ ດ້ວຍພຣະວິນຍານ, ຄພ 5:16. ພວກເຈົ້າຈະຕ້ອງໄດ້ເກີດໃໝ່ອີກເຂົ້າໃນອານາຈັກສະຫວັນ, ມຊ 6:59.