ປິ່ນປົວ, ການປິ່ນປົວ ເບິ່ງ ການປະຕິບັດຕໍ່ຄົນເຈັບປ່ວຍ; ເຈີມ, ການເຈີມ ນຳອີກ ທີ່ຈະເຮັດໃຫ້ຫາຍດີ ຫລື ມີສຸຂະພາບດີຄືນອີກ, ທັງຮ່າງກາຍ ແລະ ວິນຍານ. ພຣະຄຳພີບັນຈຸຫລາຍຕົວຢ່າງກ່ຽວກັບການປິ່ນປົວທີ່ມະຫັດສະຈັນໂດຍພຣະຜູ້ເປັນເຈົ້າ ແລະ ຜູ້ຮັບໃຊ້ຂອງພຣະອົງ. ເຮົາຄືພຣະຜູ້ເປັນເຈົ້າຜູ້ທີ່ປິ່ນປົວຮັກສາເຈົ້າໃຫ້ດີ, ອພຍ 15:26. ນາອາມານໄດ້ຈຸ່ມຕົນເອງລົງໄປໃນແມ່ນ້ຳຈໍແດນເຈັດເທື່ອ ແລ້ວກໍຫາຍດີພະຍາດ, 2 ກສ 5:1–14. ພວກເຮົາຖືກປິ່ນປົວໃຫ້ດີຍ້ອນໂທດກຳທີ່ທ່ານຮັບ, ອຊຢ 53:5 (ມຊຢ 14:5). ດວງຕາເວັນຂຶ້ນ ແລະ ຈະນຳເອົາການປິ່ນປົວມາສູ່ເຂົາດັ່ງແສງດວງອາທິດ, ມລກ 4:2. ພຣະເຢຊູໂຜດຮັກສາຄົນໃຫ້ຫາຍດີຈາກພະຍາດໂລຄາທຸກຊະນິດ, ມທ 4:23 (ມທ 9:35). ພຣະອົງໃຫ້ສິດອຳນາດແກ່ເພິ່ນເພື່ອໃຫ້ພະຍາດໂລຄາທັງການເຈັບໄຂ້ໄດ້ປ່ວຍທຸກຢ່າງດີໄດ້, ມທ 10:1. ພຣະອົງໄດ້ໃຊ້ຂ້ານ້ອຍມາປິ່ນປົວໃນທີ່ຊອກຊ້ຳ, ລກ 4:18. ຄົນເຫລົ່ານັ້ນໄດ້ຮັບການປິ່ນປົວໂດຍອຳນາດຂອງພຣະເມສານ້ອຍຂອງພຣະເຈົ້າ, 1 ນຟ 11:31. ຖ້າຫາກເຈົ້າເຊື່ອໃນການໄຖ່ຂອງພຣະຄຣິດ ເຈົ້າກໍຈະຫາຍດີໄດ້, ແອວ 15:8. ພຣະອົງໄດ້ປິ່ນປົວພວກເຂົາທຸກຄົນ, 3 ນຟ 17:9. ຄົນທີ່ມີສັດທາໃນເຮົາທີ່ຈະຮັບການປິ່ນປົວໃຫ້ຫາຍດີຈະຫາຍດີ, ຄພ 42:48. ໃນນາມຂອງເຮົາ ພວກເຂົາຈະປິ່ນປົວຄົນເຈັບປ່ວຍ, ຄພ 84:68. ພວກເຮົາເຊື່ອໃນຂອງປະທານແຫ່ງການຮັກສາ, ຫຼຊ 1:7.