ອຳເພີໃຈ ເບິ່ງ ອິດສະລະ, ອິດສະລະພາບ; ຮັບຜິດຊອບ, ຮູ້ຈັກຮັບຜິດຊອບ, ຄວາມຮັບຜິດຊອບ ນຳອີກ ຄວາມສາມາດ ແລະ ສິດທິພິເສດທີ່ພຣະເຈົ້າມອບໃຫ້ຜູ້ຄົນທີ່ຈະເລືອກ ແລະ ກະທຳເພື່ອພວກເຂົາເອງ. ໝາກໄມ້ທຸກກົກໃນສວນນີ້ເຈົ້າກິນໄດ້, ປຖກ 2:16. ຈົ່ງຕັດສິນໃຈໃນມື້ນີ້ວ່າ ພວກເຈົ້າຈະບົວລະບັດຮັບໃຊ້ຜູ້ໃດ, ຢຊ 24:15 (ແອວ 30:8; ມຊ 6:33). ມະນຸດກະທຳດ້ວຍຕົວເອງບໍ່ໄດ້ ນອກຈາກຈະເປັນໄປເພາະພວກເຂົາຖືກຊັກຈູງ, 2 ນຟ 2:15–16. ມະນຸດເປັນອິດສະລະທີ່ຈະເລືອກເສລີພາບ ແລະ ຊີວິດນິລັນດອນ ຫລື ເປັນຊະເລີຍ ແລະ ຄວາມຕາຍ, 2 ນຟ 2:27. ພວກທ່ານມີອິດສະລະ; ພວກທ່ານໄດ້ຮັບອະນຸຍາດໃຫ້ເຮັດເພື່ອຕົວເອງ, ຮລມ 14:30. ໄພ່ພົນຂອງສະຫວັນໜຶ່ງສ່ວນສາມຫັນໜີຈາກເຮົານຳອີກ ເພາະອຳເພີໃຈຂອງເຂົາ, ຄພ 29:36. ມັນຈຳເປັນວ່າມານຈະຕ້ອງລໍ້ລວງມະນຸດ, ຖ້າບໍ່ດັ່ງນັ້ນພວກເຂົາຈະບໍ່ສາມາດເປັນຕົວແທນ, ຄພ 29:39. ໃຫ້ມະນຸດທຸກຄົນເລືອກເພື່ອຕົນເອງ, ຄພ 37:4. ມະນຸດທຸກໆຄົນຈະໄດ້ກະທຳຕາມອຳເພີໃຈອັນຊອບທຳ ຊຶ່ງເຮົາໄດ້ມອບໃຫ້ແກ່ເຂົາ, ຄພ 101:78. ຊາຕານໄດ້ສະແຫວງຫາທີ່ຈະທຳລາຍອຳເພີໃຈຂອງມະນຸດ, ມຊ 4:3. ພຣະຜູ້ເປັນເຈົ້າໄດ້ມອບອຳເພີໃຈໃຫ້ມະນຸດ, ມຊ 7:32.