ຜະນຶກ, ການຜະນຶກ ເບິ່ງ ຖານະປະໂລຫິດ; ພິທີການ; ເອລີຢາ ນຳອີກ ເພື່ອເຮັດໃຫ້ພິທີການທີ່ປະຕິບັດໂດຍສິດອຳນາດຂອງຖານະປະໂລຫິດຢູ່ໃນໂລກ ໃຊ້ການໄດ້ຢູ່ໃນສະຫວັນ. ພິທີການຕ່າງໆໄດ້ຖືກຜະນຶກເມື່ອມັນຖືກຮັບຮູ້ໂດຍພຣະວິນຍານສັກສິດແຫ່ງຄຳສັນຍາ, ຊຶ່ງເປັນພຣະວິນຍານບໍລິສຸດ. ສິ່ງໃດທີ່ພວກເຈົ້າຜູກມັດໄວ້ເທິງແຜ່ນດິນໂລກນີ້ ສິ່ງນັ້ນຈະຖືກຜູກມັດໄວ້ໃນສະຫວັນ, ມທ 16:19 (ມທ 18:18; ຄພ 124:93; 132:46). ພວກເຈົ້າຖືກປະທັບຕາໝາຍໄວ້ ໂດຍພຣະວິນຍານສັກສິດແຫ່ງຄຳສັນຍາ, ອຟຊ 1:13. ເຮົາໄດ້ໃຫ້ອຳນາດແກ່ເຈົ້າ, ຄືສິ່ງໃດທີ່ເຈົ້າຈະຜະນຶກເທິງແຜ່ນດິນໂລກນີ້ ສິ່ງນັ້ນຈະຖືກຜະນຶກໃນສະຫວັນ, ຮລມ 10:7. ອຳນາດໄດ້ຖືກມອບໃຫ້ແກ່ພວກເຂົາ ເພື່ອຜະນຶກທັງເທິງແຜ່ນດິນໂລກ ແລະ ໃນສະຫວັນ, ຄພ 1:8. ຜູ້ທີ່ໄດ້ຮັບລັດສະໝີພາບຊັ້ນສູງ ໄດ້ຖືກຜະນຶກໂດຍພຣະວິນຍານສັກສິດແຫ່ງຄຳສັນຍາ, ຄພ 76:50–70. ເອລີຢາມອບຂໍກະແຈ ທີ່ມີອຳນາດແຫ່ງການຜະນຶກໄວ້ໃນມືຂອງໂຈເຊັບ ສະມິດ, ຄພ 110:13–16. ນີ້ເປັນອຳນາດການຜະນຶກ ແລະ ການຜູກມັດ, ຄພ 128:14. ຄຳຂອງການທຳນາຍທີ່ແນ່ນອນແທ້ໆໝາຍເຖິງການທີ່ຮູ້ວ່າເຂົາຖືກຜະນຶກໄວ້ສູ່ຊີວິດນິລັນດອນ, ຄພ 131:5. ພັນທະສັນຍາທັງປວງທີ່ບໍ່ໄດ້ຖືກຜະນຶກໂດຍພຣະວິນຍານສັກສິດແຫ່ງຄຳສັນຍາ ຈະສິ້ນສຸດລົງເມື່ອຄົນຕາຍໄປ, ຄພ 132:7. ວຽກງານອັນຍິ່ງໃຫຍ່ທີ່ຈະຕ້ອງເຮັດໃນພຣະວິຫານ ແມ່ນຮ່ວມດ້ວຍການຜະນຶກລູກໆເຂົ້າກັບພໍ່ແມ່ຂອງພວກເຂົາ, ຄພ 138:47–48.