ສັກສິດ, ຄວາມສັກສິດ

ສັກສິດ, ມີຄຸນສົມບັດຢ່າງພຣະເຈົ້າ, ມີຄວາມບໍລິສຸດ ຫລື ຄວາມດີພ້ອມທາງວິນຍານ ແລະ ທາງສິນທຳ. ຄວາມສັກສິດບົ່ງບອກເຖິງຄວາມບໍລິສຸດຂອງຫົວໃຈ ແລະ ຄວາມປະສົງຂອງບຸກຄົນ. ກົງກັນຂ້າມກັບຄຳວ່າ ສັກສິດ ແມ່ນຄຳວ່າ ທຳມະດາ ຫລື ຫຍາບຄາຍ.

ພວກເຈົ້າຈະເປັນປະຊາຊົນຂອງເຮົາ ໃນຖານະປະໂລຫິດ, ແລະ ເປັນປະຊາຊາດທີ່ສັກສິດ, ອພຍ 19:5–6 (1 ປຕ 2:9).
ພຣະຜູ້ເປັນເຈົ້າໄດ້ບັນຊາຊາວອິດສະຣາເອນວ່າ: ພວກເຈົ້າຕ້ອງບໍລິສຸດ ເພາະເຮົາບໍລິສຸດ, ລລວ 11:44–45.
ໃຜມີສິດຂຶ້ນໄປທີ່ເນີນພູ ຄືພວກທີ່ບໍລິສຸດໃນຄວາມຄິດ ແລະ ການກະທຳ, ພສສ 24:3–4.
ຕ້ອງສິດສອນປະຊາຊົນຂອງເຮົາໃຫ້ຮູ້ວ່າ ສິ່ງໃດສັກສິດ ແລະ ສິ່ງໃດບໍ່ສັກສິດ, ອຊກ 44:23.

ພຣະເຈົ້າໄດ້ເອີ້ນເຮົາດ້ວຍການເອີ້ນທີ່ສັກສິດ, 2 ຕມທ 1:8–9.
ເຈົ້າໄດ້ຮູ້ພຣະຄຳພີອັນສັກສິດຕັ້ງແຕ່ຄາວເຈົ້າຍັງນ້ອຍພຸ້ນ, 2 ຕມທ 3:15.
ມະນຸດໄດ້ກ່າວຄຳທີ່ມາຈາກພຣະເຈົ້າຕາມທີ່ພຣະວິນຍານບໍລິສຸດເຈົ້າຊົງດົນໃຈ, 2 ປຕ 1:21.

ມະນຸດທັງປວງຕ້ອງຖືກພິພາກສາຕາມຄວາມຈິງ ແລະ ຄວາມບໍລິສຸດ ຊຶ່ງມີຢູ່ໃນພຣະເຈົ້າ, 2 ນຟ 2:10.
ມະນຸດທີ່ມີຈິດໃຈທຳມະດາກາຍມາເປັນໄພ່ພົນຂອງພຣະເຈົ້າຜ່ານການຊົດໃຊ້ຂອງພຣະຄຣິດ, ມຊຢ 3:19.
ເດີນໄປຕາມລະບຽບອັນສັກສິດຂອງພຣະເຈົ້າ, ແອວ 7:22 (ແອວ 13:11–12).
ສານຸສິດສາມຄົນໄດ້ຮັບການຊຳລະໃຫ້ບໍລິສຸດແລ້ວໃນເນື້ອໜັງ ແລະ ໄດ້ຖືກເຮັດໃຫ້ສັກສິດ, 3 ນຟ 28:1–9, 36–39.

ຢ່າເຮັດຫລິ້ນໆກັບສິ່ງທີ່ສັກສິດ, ຄພ 6:12.
ເຈົ້າຈະບໍ່ສາມາດຂຽນສິ່ງທີ່ສັກສິດນອກຈາກເຈົ້າຈະໄດ້ຮັບມັນຈາກເຮົາ, ຄພ 9:9.
ສະມາຊິກຕ້ອງສະແດງໃຫ້ປະຈັກວ່າເຂົາເຈົ້າມີຄ່າຄວນຕໍ່ສາດສະໜາຈັກ ໂດຍການເດີນໄປໃນຄວາມບໍລິສຸດຕໍ່ພຣະພັກຂອງພຣະຜູ້ເປັນເຈົ້າ, ຄພ 20:69.
ເຈົ້າຈະຜູກມັດຕົວເອງທີ່ຈະກະທຳໃນຄວາມສັກສິດທັງໝົດ, ຄພ 43:9.
ສານຸສິດຂອງເຮົາຈະຢືນຢູ່ໃນສະຖານທີ່ສັກສິດ, ຄພ 45:32.
ສິ່ງທີ່ມາຈາກເບື້ອງເທິງເປັນສິ່ງສັກສິດ, ຄພ 63:64.
ເດັກນ້ອຍໆບໍລິສຸດ, ຄພ 74:7.
ບ້ານຂອງພຣະຜູ້ເປັນເຈົ້າເປັນສະຖານທີ່ສັກສິດ, ຄພ 109:13.
ອຸທິດຖວາຍບ່ອນນັ້ນ ແລະ ມັນຈະຖືກເຮັດໃຫ້ສັກສິດ, ຄພ 124:44.