ໂລກ ເບິ່ງ ບາເບນ, ບາບີໂລນ; ແຜ່ນດິນໂລກ; ມະຕະ, ຄວາມເປັນມະຕະ ນຳອີກ ແຜ່ນດິນໂລກ; ສະຖານທີ່ທົດສອບສຳລັບມະນຸດທີ່ເປັນມະຕະ. ເປັນຄຳອຸປະມານທີ່ໝາຍເຖິງຜູ້ຄົນທີ່ບໍ່ເຊື່ອຟັງພຣະບັນຍັດຂອງພຣະເຈົ້າ. ການເປັນຢູ່ຢ່າງມະຕະ ໃນໂລກນີ້ພວກເຈົ້າຈະມີຄວາມທຸກລຳບາກ, ຢຮ 16:33. ຢ່າສູ່ຢ້ານ ແມ່ນແຕ່ຈົນເຖິງແກ່ຄວາມຕາຍ; ເພາະໃນໂລກນີ້ຄວາມສຸກຂອງພວກເຈົ້າບໍ່ບໍລິບູນ, ຄພ 101:36. ຜູ້ຄົນທີ່ບໍ່ເຊື່ອຟັງພຣະບັນຍັດ ເຮົາຈະລົງໂທດໂລກເພາະການບາບຂອງພວກເຂົາ, ອຊຢ 13:11 (2 ນຟ 23:11). ຖ້າໂລກກຽດຊັງເຈົ້າທັງຫລາຍ, ຈົ່ງຮູ້ວ່າໂລກໄດ້ກຽດຊັງເຮົາກ່ອນແລ້ວ, ຢຮ 15:18–19. ອາຄານໃຫຍ່ ແລະ ກວ້າງຂວາງ ຄືຄວາມຈອງຫອງຂອງໂລກ, 1 ນຟ 11:36. ໂລກພວມສຸກງອມຢູ່ໃນຄວາມຊົ່ວຮ້າຍ, ຄພ 18:6. ຮັກສາຕົນເອງໃຫ້ປາດສະຈາກມົນທິນຂອງໂລກ, ຄພ 59:9. ຄົນທີ່ຊື່ສັດ ແລະ ອົດທົນ ຈະເອົາຊະນະໂລກ, ຄພ 63:47. ພວກເຈົ້າຈະບໍ່ດຳລົງຊີວິດຕາມວິທີຂອງໂລກ, ຄພ 95:13. ທີ່ສຸດຂອງໂລກ ເຮົາກຳລັງສ້າງແຜ່ນດິນໂລກໃໝ່: ແລະ ເຫດການຕ່າງໆໃນອະດີດຈະຖືກລືມໄລໄປຢ່າງໝົດສິ້ນ, ອຊຢ 65:17 (ພນມ 21:1; ຫຼຊ 1:10). ຄາວສິ້ນສຸດໂລກ ເຂົ້ານົກຈະຖືກກວາດເອົາໄປເຜົາໃສ່ໄຟ, ມທ 13:40, 49 (ມລກ 4:1; ຢຄ 6:3). ເຮົາຈະເຮັດໃຫ້ສວນອະງຸ່ນຂອງເຮົາໄໝ້ດ້ວຍໄຟ, ຢຄ 5:77 (ຄພ 64:23–24). ພຣະຜູ້ເປັນເຈົ້າຈະທຳລາຍຊາຕານ ແລະ ວຽກງານຂອງມັນໃນບັ້ນທ້າຍຂອງໂລກ, ຄພ 19:3. ແຜ່ນດິນໂລກຈະຕາຍ, ແຕ່ຈະຖືກເຮັດໃຫ້ຄືນມີຊີວິດຊີວາອີກ, ຄພ 88:25–26. ພຣະຜູ້ເປັນເຈົ້າໄດ້ສະແດງໃຫ້ເອນົກເຫັນທີ່ສຸດຂອງໂລກ, ມຊ 7:67.