ນ້ຳທີ່ປະກອບດ້ວຍຊີວິດ ເບິ່ງ ພຣະເຢຊູຄຣິດ ນຳອີກ ເຄື່ອງໝາຍຂອງອົງພຣະເຢຊູຄຣິດເຈົ້າ ແລະ ຄຳສອນຂອງພຣະອົງ. ດັ່ງທີ່ນ້ຳເປັນສິ່ງສຳຄັນທີ່ຄ້ຳຈູນຊີວິດ, ພຣະຜູ້ຊ່ວຍໃຫ້ລອດ ແລະ ຄຳສອນຂອງພຣະອົງ (ນ້ຳທີ່ປະກອບດ້ວຍຊີວິດ) ກໍເປັນສິ່ງສຳຄັນຕໍ່ຊີວິດນິລັນດອນ. ດັ່ງນ້ຳເຢັນໆຊ່ວຍໃຫ້ຜູ້ຫິວນ້ຳສົດຊື່ນສັນໃດ ຄວາມຊ່ວຍຊູຂອງພຣະອົງກໍໃຫ້ສົດຊື່ນສັນນັ້ນ, ອຊຢ 12:3. ເຂົາໄດ້ຫັນໜີໄປຈາກເຮົາ ຜູ້ເປັນບໍ່ນ້ຳພຸທີ່ປະກອບດ້ວຍຊີວິດ, ຢມຢ 2:13. ຜູ້ໃດທີ່ດື່ມນ້ຳ ຊຶ່ງເຮົາຈະໃຫ້ນັ້ນ ຈະບໍ່ຢາກອີກຈັກເທື່ອ, ຢຮ 4:6–15. ຖ້າຜູ້ໃດຫິວນ້ຳໃຫ້ມາຫາເຮົາ ແລະ ດື່ມ, ຢຮ 7:37. ຮາວເຫລັກນຳພາໄປຫານ້ຳພຸທີ່ປະກອບດ້ວຍຊີວິດ, 1 ນຟ 11:25. ຮັບເອົານ້ຳທີ່ປະກອບດ້ວຍຊີວິດຢ່າງມີອິດສະລະ, ຄພ 10:66. ພຣະບັນຍັດຂອງເຮົາຈະເປັນບໍ່ນ້ຳທີ່ປະກອບດ້ວຍຊີວິດ, ຄພ 63:23.