ໃຫ້ກຽດ ເບິ່ງ ຄາລະວະ, ຄວາມຄາລະວະ; ນັບຖື ນຳອີກ ດັ່ງທີ່ໃຊ້ໃນພຣະຄຳພີເປັນປົກກະຕິ, ເປັນການສະແດງຄວາມນັບຖື ແລະ ຄວາມຄາລະວະຕໍ່ບາງຄົນ ຫລື ບາງສິ່ງ. ຈົ່ງນັບຖືພໍ່ແມ່ຂອງເຈົ້າ, ອພຍ 20:12 (1 ນຟ 17:55; ມຊຢ 13:20). ຈົ່ງຍົກຍໍໃຫ້ກຽດພຣະຜູ້ເປັນເຈົ້າດ້ວຍຜົນລະປູກອັນດີທີ່ສຸດຈາກດິນແດນຂອງເຈົ້າ, ສພສ 3:9. ຖ້າຜູ້ໃດບົວລະບັດຮັບໃຊ້ເຮົາ, ພຣະບິດາຂອງເຮົາກໍຈະໃຫ້ກຽດແກ່ຜູ້ນັ້ນ, ຢຮ 12:26. ຜູ້ເປັນຜົວຕ້ອງນັບຖືເມຍຂອງຕົນ, 1 ປຕ 3:7. ພວກເຂົາໃຫ້ກຽດແກ່ພຣະຜູ້ເປັນເຈົ້າດ້ວຍຮິມສົບຂອງເຂົາເທົ່ານັ້ນ, 2 ນຟ 27:25 (ອຊຢ 29:13). ຂ້າພະເຈົ້າບໍ່ໄດ້ສະແຫວງຫາກຽດຕິຍົດຂອງໂລກ, ແອວ 60:36. ມານໄດ້ກະບົດຕໍ່ຕ້ານເຮົາ, ກ່າວວ່າ, ຈົ່ງມອບກຽດຕິຍົດຂອງທ່ານໃຫ້ເຮົາ, ຊຶ່ງເປັນອຳນາດຂອງເຮົາ, ຄພ 29:36. ຄົນທີ່ຊື່ສັດຈະໄດ້ສວມມົງກຸດດ້ວຍກຽດຕິຍົດ, ຄພ 75:5 (ຄພ 124:55). ພຣະຜູ້ເປັນເຈົ້າເບີກບານທີ່ຈະໃຫ້ກຽດຄົນເຫລົ່ານັ້ນທີ່ຮັບໃຊ້ພຣະອົງ, ຄພ 76:5. ພວກເຂົາບໍ່ໄດ້ຖືກເລືອກເພາະວ່າພວກເຂົາສະແຫວງຫາກຽດຕິຍົດຈາກມະນຸດ, ຄພ 121:34–35. ພວກເຮົາເຊື່ອໃນການຍົກຍ້ອງ ແລະ ໃນການສະໜັບສະໜູນກົດໝາຍ, ຫຼຊ 1:12 (ຄພ 134:6).