ຕາຍເພາະຄວາມເຊື່ອ, ການຕາຍເພາະຄວາມເຊື່ອ ບຸກຄົນທີ່ຍອມສູນເສຍຊີວິດຂອງຕົນ ແທນການປະຖິ້ມພຣະຄຣິດ, ພຣະກິດຕິຄຸນ, ຫລື ຄວາມເຊື່ອທີ່ຊອບທຳ ຫລື ຫລັກທຳຂອງເຂົາ. ເລືອດທີ່ຊອບທຳຂອງອາເບັນ ແລະ ຊາຂາຣິຢາ ຈະເປັນພະຍານຕໍ່ຕ້ານຄົນຊົ່ວ, ມທ 23:35 (ລກ 11:50). ຜູ້ໃດທີ່ສະລະຊີວິດຂອງຕົນເພື່ອເຫັນແກ່ເຮົາ ແລະ ແກ່ຂ່າວປະເສີດ ຜູ້ນັ້ນກໍຈະຖືກຊ່ວຍຊີວິດໃຫ້ພົ້ນໄດ້, ມຣກ 8:35 (ຄພ 98:13). ພວກເຂົາໄດ້ແກວ່ງກ້ອນຫີນໃສ່ຊະເຕຟາໂນ, ກຈກ 7:59 (ກຈກ 22:20). ໃນກໍລະນີທີ່ກ່ຽວກັບໜັງສືພິໄນກຳ ກໍຈະຕ້ອງພິສູດວ່າຜູ້ເຮັດໜັງສືນັ້ນຕາຍແລ້ວ, ຮຣ 9:16–17. ອະບີນາໄດໄດ້ລົ້ມລົງ, ຮັບຄວາມຕາຍດ້ວຍໄຟ, ມຊຢ 17:20. ຊາວອຳໂມນໄນຮາທີ່ປ່ຽນໃຈເຫລື້ອມໃສ ໄດ້ຖືກໂຍນເຂົ້າກອງໄຟ, ແອວ 14:8–11. ຫລາຍຄົນໄດ້ຖືກຂ້າຕາຍ ເພາະພວກເພິ່ນໄດ້ໃຫ້ຖ້ອຍຄຳກ່ຽວກັບເລື່ອງເຫລົ່ານີ້, 3 ນຟ 10:15. ຜູ້ໃດກໍຕາມທີ່ວາງຊີວິດຂອງເຂົາໃນອຸດົມການຂອງເຮົາ ຈະພົບຊີວິດນິລັນດອນ, ຄພ 98:13–14. ໂຈເຊັບ ສະມິດ ແລະ ໄຮຮຳ ສະມິດ ໄດ້ຖືກຂ້າເພາະການຟື້ນຟູພຣະກິດຕິຄຸນຄືນມາໃໝ່, ຄພ 135. ໂຈເຊັບ ສະມິດ ໄດ້ຜະນຶກປະຈັກພະຍານຂອງເພິ່ນໄວ້ດ້ວຍເລືອດຂອງເພິ່ນ, ຄພ 136:39.