ຊຳລະໃຫ້ບໍລິສຸດ, ການຊຳລະໃຫ້ບໍລິສຸດ ເບິ່ງ ຊົດໃຊ້, ການຊົດໃຊ້; ພຣະເຢຊູຄຣິດ; ຮັບຮອງ, ການຮັບຮອງ ນຳອີກ ຂັ້ນຕອນຂອງການກາຍເປັນອິດສະລະຈາກບາບ, ບໍລິສຸດ, ສະອາດ, ແລະ ສັກສິດ ຜ່ານການຊົດໃຊ້ຂອງພຣະເຢຊູຄຣິດ (ມຊ 6:59–60). ພຣະເຈົ້າໄດ້ເລືອກພວກເຈົ້າໄວ້ ເພື່ອໂຜດໃຫ້ພົ້ນ ຜ່ານການຊຳລະໃຫ້ບໍລິສຸດຈາກພຣະວິນຍານ, 2 ທສນ 2:13. ພວກເຮົາໄດ້ຮັບການຊຳລະໃຫ້ບໍລິສຸດ ດ້ວຍການຖວາຍພຣະກາຍຂອງພຣະເຢຊູ, ຮຣ 10:10. ພຣະເຢຊູໄດ້ຮັບທຸກທໍລະມານ ເພື່ອວ່າພຣະອົງຈະໄດ້ຊຳລະຜູ້ຄົນດ້ວຍໂລຫິດຂອງພຣະອົງເອງ, ຮຣ 13:12. ມະຫາປະໂລຫິດໄດ້ຮັບການຊຳລະໃຫ້ບໍລິສຸດ ແລະ ອາພອນຂອງເຂົາເຈົ້າຖືກລ້າງໃຫ້ຂາວສະອາດແລ້ວໂດຍໂລຫິດຂອງພຣະເມສານ້ອຍ, ແອວ 13:10–12. ການຊຳລະໃຫ້ບໍລິສຸດໄດ້ມາເຖິງຄົນທີ່ຍອມຖວາຍໃຈຂອງພວກເຂົາແດ່ພຣະເຈົ້າ, ຮລມ 3:33–35. ຈົ່ງກັບໃຈ ເພື່ອເຈົ້າຈະໄດ້ຮັບການຊຳລະໃຫ້ບໍລິສຸດໂດຍການຮັບພຣະວິນຍານບໍລິສຸດ, 3 ນຟ 27:20. ການຊຳລະໃຫ້ບໍລິສຸດ ຜ່ານພຣະຄຸນຂອງພຣະເຢຊູຄຣິດ ແມ່ນຖືກຕ້ອງ ແລະ ຈິງ, ຄພ 20:31. ພຣະເຢຊູໄດ້ມາເພື່ອເຮັດໃຫ້ໂລກບໍລິສຸດ, ຄພ 76:41. ຈົ່ງຊຳລະຕົນເອງໃຫ້ບໍລິສຸດ ເພື່ອໃຫ້ຈິດໃຈຂອງພວກເຈົ້າເຫັນແກ່ພຣະເຈົ້າແຕ່ຢ່າງດຽວ, ຄພ 88:68.