ມາຣີ, ມານດາຂອງພຣະເຢຊູ ເບິ່ງ ພຣະເຢຊູຄຣິດ; ໂຢເຊັບ, ສາມີຂອງນາງມາຣີ ນຳອີກ ໃນພຣະຄຳພີໃໝ່, ຍິງບໍລິສຸດທີ່ພຣະເຈົ້າ ອົງເປັນພຣະບິດາ ໄດ້ເລືອກໃຫ້ເປັນມານດາຂອງພຣະບຸດຂອງພຣະອົງໃນເນື້ອໜັງ. ຫລັງຈາກໄດ້ໃຫ້ກຳເນີດແກ່ພຣະເຢຊູແລ້ວ, ມາຣີໄດ້ມີລູກຄົນອື່ນໆນຳອີກ (ມຣກ 6:3). ນາງໄດ້ເປັນຄູ່ໝັ້ນຂອງໂຢເຊັບ, ມທ 1:18 (ລກ 1:27). ໂຢເຊັບໄດ້ຖືກບອກວ່າບໍ່ໃຫ້ປະຮ້າງນາງມາຣີ ຫລື ຖອນໝັ້ນກັບນາງ, ມທ 1:18–25. ພວກໂຫລາຈານໄດ້ມາຢ້ຽມຢາມນາງມາຣີ, ມທ 2:11. ນາງມາຣີ ແລະ ໂຢເຊັບ ໄດ້ໜີໄປປະເທດເອຢິບກັບກຸມມານນ້ອຍເຢຊູ, ມທ 2:13–14. ຫລັງຈາກເຮໂຣດໄດ້ຕາຍໄປ, ຄອບຄົວໄດ້ກັບຄືນສູ່ເມືອງນາຊາເຣັດ, ມທ 2:19–23. ທູດຄັບຣີເອນໄດ້ມາຢ້ຽມຢາມນາງ, ລກ 1:26–38. ນາງໄດ້ໄປຢ້ຽມຢາມເອລີຊາເບັດ, ພີ່ນ້ອງຂອງນາງ, ລກ 1:36, 40–45. ນາງມາຣີໄດ້ຮ້ອງເພງສັນລະເສີນພຣະຜູ້ເປັນເຈົ້າ, ລກ 1:46–55. ນາງມາຣີໄດ້ໄປເມືອງເບັດເລເຮັມກັບໂຢເຊັບ, ລກ 2:4–5. ນາງມາຣີໄດ້ໃຫ້ກຳເນີດແກ່ພຣະເຢຊູ ແລະ ໄດ້ວາງພຣະອົງໄວ້ໃນຮາງຫຍ້າ, ລກ 2:7. ພວກລ້ຽງແກະໄດ້ໄປຫາເມືອງເບັດເລເຮັມເພື່ອຢ້ຽມຢາມກຸມມານນ້ອຍເຢຊູ, ລກ 2:16–20. ນາງມາຣີ ແລະ ໂຢເຊັບ ໄດ້ພາພຣະເຢຊູໄປຫາພຣະວິຫານໃນເມືອງເຢຣູຊາເລັມ, ລກ 2:21–38. ນາງມາຣີ ແລະ ໂຢເຊັບ ໄດ້ພາພຣະເຢຊູໄປງານປັດສະຄາ, ລກ 2:41–52. ນາງມາຣີໄດ້ໄປງານແຕ່ງງານທີ່ບ້ານການາ, ຢຮ 2:2–5. ພຣະຜູ້ຊ່ວຍໃຫ້ລອດ, ໃນຂະນະທີ່ຢູ່ເທິງໄມ້ກາງແຂນ, ໄດ້ຂໍໃຫ້ໂຢຮັນດູແລມານດາຂອງພຣະອົງ, ຢຮ 19:25–27. ນາງມາຣີໄດ້ຢູ່ກັບພວກອັກຄະສາວົກຫລັງຈາກພຣະຄຣິດໄດ້ຖືກພາຂຶ້ນໄປສູ່ສະຫວັນ, ກຈກ 1:14. ນາງມາຣີເປັນຜູ້ຍິງບໍລິສຸດຄົນໜຶ່ງທີ່ຈົບງາມທີ່ສຸດເກີນກວ່າຜູ້ຍິງບໍລິສຸດຄົນອື່ນໆ, 1 ນຟ 11:13–20. ມານດາຂອງພຣະຄຣິດຈະມີຊື່ວ່າ ມາຣີ, ມຊຢ 3:8. ນາງມາຣີຈະເປັນຍິງບໍລິສຸດ, ເປັນພາຊະນະທີ່ປະເສີດ ແລະ ຖືກເລືອກໄວ້ແລ້ວ, ແອວ 7:10.