ລີໄຮ, ບິດາ​ຂອງ​ນີໄຟ

ໃນ​ພຣະ​ຄຳ​ພີ​ມໍມອນ, ສາດ​ສະ​ດາ​ຊາວ​ເຮັບເຣີ​ຜູ້​ໄດ້​ນຳ​ພາ​ຄອບ​ຄົວ​ຂອງ​ເພິ່ນ ແລະ ຜູ້​ຕິດ​ຕາມ​ເພິ່ນ​ໜີ​ໄປ​ຈາກ​ເຢຣູ​ຊາເລັມ ໄປ​ຫາ​ແຜ່ນ​ດິນ​ແຫ່ງ​ຄຳ​ສັນ​ຍາ ໃນ​ຊີກ​ໂລກ​ເບື້ອງ​ຕາ​ເວັນ​ຕົກ ປະ​ມານ 600 ປີ ກ່ອນ ຄ.ສ. ລີໄຮ​ເປັນ​ສາດ​ສະ​ດາ​ຄົນ​ທຳ​ອິດ ໃນ​ບັນ​ດາ​ຜູ້​ຄົນ​ຂອງ​ເພິ່ນ​ໃນ​ພຣະ​ຄຳ​ພີ​ມໍມອນ.

ລີໄຮ​ໄດ້​ໜີ​ຈາກ​ເຢຣູ​ຊາເລັມ​ນຳ​ຄອບ​ຄົວ​ຂອງ​ເພິ່ນ ຕາມ​ພຣະ​ບັນ​ຊາ​ຂອງ​ພຣະ​ຜູ້​ເປັນ​ເຈົ້າ (1 ນຟ 2:1–4). ເພິ່ນ​ເປັນ​ລູກ​ຫລານ​ຂອງ​ໂຢເຊັບ, ຜູ້​ໄດ້​ຖືກ​ຂາຍ​ໄປ​ປະເທດ​ເອຢິບ (1 ນຟ 5:14). ພຣະຜູ້​ເປັນ​ເຈົ້າ​ໄດ້​ປະທານ​ພາບ​ນິມິດ​ໃຫ້​ແກ່​ເພິ່ນ​ກ່ຽວ​ກັບ​ຕົ້ນ​ໄມ້​ແຫ່ງ​ຊີ​ວິດ (1 ນຟ 8:2–35). ລີໄຮ ແລະ ລູກໆ​ຂອງ​ເພິ່ນ​ໄດ້​ສ້າງ​ເຮືອ ແລະ ໄດ້​ຂັບ​ເຮືອ​ໄປ​ຫາ​ຊີກ​ໂລກ​ເບື້ອງ​ຕາ​ເວັນ​ຕົກ (1 ນຟ 17–18). ເພິ່ນ ແລະ ລູກ​ຫລານ​ຂອງ​ເພິ່ນ​ໄດ້​ມາ​ຕັ້ງ​ຖິ່ນ​ຖານ​ຢູ່​ໃນ​ແຜ່ນ​ດິນ​ໃໝ່ (1 ນຟ 18:23–25). ກ່ອນ​ເພິ່ນ​ໄດ້​ຕາຍ​ໄປ, ລີໄຮ​ໄດ້​ໃຫ້​ພອນ​ແກ່​ພວກ​ລູກ​ຊາຍ​ຂອງ​ເພິ່ນ ແລະ ໄດ້​ສອນ​ພວກ​ເຂົາ​ກ່ຽວ​ກັບ​ພຣະ​ຄຣິດ ແລະ ການ​ອອກ​ມາ​ຂອງ​ພຣະ​ຄຳ​ພີ​ມໍມອນ​ໃນ​ຍຸກ​ສຸດ​ທ້າຍ (2 ນຟ 1:1–4:12).