ການມົ້ວສຸມລັບ ເບິ່ງ ກາອິນ; ພວກໂຈນແກດີອານທັນ ນຳອີກ ຜູ້ຄົນກຸ່ມໜຶ່ງທີ່ເຂົ້າຮ່ວມກັນໂດຍການເຮັດຄຳສາບານ ວ່າຈະບັນລຸຈຸດປະສົງທີ່ຊົ່ວຮ້າຍຂອງພວກເຂົາ. ບິດາແຫ່ງຄວາມຂີ້ຕົວະ ຍຸຍົງໃຫ້ລູກຫລານມະນຸດເຮັດການມົ້ວສຸມລັບ, 2 ນຟ 9:9. ເຮົາຈະຕ້ອງທຳລາຍວຽກງານລັບແຫ່ງຄວາມມືດ, 2 ນຟ 10:15. ການພິພາກສາຂອງພຣະເຈົ້າໄດ້ເກີດຂຶ້ນ ກັບຜູ້ທີ່ເຮັດການມົ້ວສຸມລັບ, ແອວ 37:30. ແກດີອານທັນຜູ້ນີ້ໄດ້ເປັນຕົ້ນເຫດ ເກືອບຈະເປັນການທຳລາຍຜູ້ຄົນຂອງນີໄຟໃຫ້ສູນສິ້ນໄປ, ຮລມ 2:4–13. ຊາຕານໄດ້ເອົາເຂົ້າໃສ່ໃນໃຈຂອງຜູ້ຄົນ ເພື່ອໃຫ້ເຮັດຄຳສາບານ ແລະ ເຮັດພັນທະສັນຍາລັບ, ຮລມ 6:21–31. ພຣະຜູ້ເປັນເຈົ້າບໍ່ໄດ້ເຮັດວຽກໃນການມົ້ວສຸມລັບ, ອທ 8:19. ປະຊາຊາດໃດກໍຕາມທີ່ສະໜັບສະໜູນການມົ້ວສຸມລັບ ປະຊາຊາດນັ້ນຈະຖືກທຳລາຍ, ອທ 8:22–23. ພວກເຂົາບໍ່ໄດ້ຍອມຮັບຄຳທັງໝົດຂອງສາດສະດາເລີຍ, ຍ້ອນວ່າສັງຄົມລັບຂອງພວກເຂົາ, ອທ 11:22. ນັບແຕ່ວັນເວລາຂອງກາອິນ, ມັນໄດ້ມີການມົ້ວສຸມລັບ, ມຊ 5:51.