ຄູ່ມືພຣະຄຳພີ
ຄູ່ມືພຣະຄຳພີໃຫ້ຄຳອະທິບາຍກ່ຽວກັບຄຳສອນ, ຫລັກທຳ, ຜູ້ຄົນ, ແລະ ສະຖານທີ່ ຊຶ່ງໄດ້ຖືກຂັດເລືອກມາຈາກພຣະຄຣິສຕະທຳຄຳພີທີ່ສັກສິດ, ພຣະຄຳພີມໍມອນ, ຄຳສອນ ແລະ ພັນທະສັນຍາ, ແລະ ໄຂ່ມຸກອັນລ້ຳຄ່າ. ມັນຍັງໄດ້ຈັດຫາຂໍ້ອ້າງອີງພຣະຄຳພີທີ່ສຳຄັນໃຫ້ທ່ານ ເພື່ອສຶກສາແຕ່ລະຫົວຂໍ້ນຳອີກ. ຄູ່ມືສາມາດຊ່ວຍເຫລືອທ່ານໃນການສຶກສາພຣະຄຳພີຂອງທ່ານເປັນສ່ວນຕົວ ແລະ ເປັນຄອບຄົວ. ມັນສາມາດຊ່ວຍເຫລືອທ່ານໃນການຕອບຄຳຖາມກ່ຽວກັບພຣະກິດຕິຄຸນ, ສຶກສາຫົວຂໍ້ຕ່າງໆໃນພຣະຄຳພີ, ຕຽມຄຳປາໄສ ແລະ ບົດຮຽນ, ແລະ ເພີ່ມຄວາມຮູ້ແຈ້ງ ແລະ ປະຈັກພະຍານຂອງທ່ານໃນພຣະກິດຕິຄຸນ.
ແຜນພາບຕໍ່ໄປນີ້ອະທິບາຍຫົວຂໍ້ເປັນຕົວຢ່າງໃນຄູ່ມືພຣະຄຳພີ
ແຜ່ນດິນໂລກ
ດາວພະເຄາະທີ່ເຮົາອາໄສຢູ່, ໄດ້ຖືກສ້າງຂຶ້ນໂດຍພຣະເຈົ້າຜ່ານພຣະເຢຊູຄຣິດ ເພື່ອໃຫ້ມະນຸດໃຊ້ໃນຊ່ວງຢູ່ໃນການທົດລອງທີ່ເປັນມະຕະ. ຈຸດໝາຍປາຍທາງຂອງມັນແມ່ນເພື່ອຈະໄດ້ຮຸ່ງເຫລື້ອມ ແລະ ສູງສົ່ງ (ຄພ 77:1–2; 130:8–9). ແຜ່ນດິນໂລກຈະກາຍເປັນມູນມໍລະດົກນິລັນດອນຂອງຜູ້ທີ່ດຳລົງຊີວິດຢ່າງມີຄ່າຄວນຕໍ່ລັດສະໝີພາບຊັ້ນສູງ (ຄພ 88:14–26). ເຂົາເຈົ້າຈະຊື່ນຊົມກັບທີ່ປະທັບຂອງພຣະບິດາ ແລະ ພຣະບຸດ (ຄພ 76:62).
ໄດ້ຖືກສ້າງຂຶ້ນສຳລັບມະນຸດ
ອີດສະເຕີ
ທີ່ສຸດຂອງແຜ່ນດິນໂລກ
ຫົວຂໍ້ເປັນອັກສອນຕົວໜາ.
ຫົວຂໍ້ຮ່ວມດ້ວຍຄວາມໝາຍສັ້ນໆ
ບາງຫົວຂໍ້ຈະມີຫົວຂໍ້ຫຍ່ອຍ. ຫົວຂໍ້ເຫລົ່ານີ້ເປັນຕົວເນີ້ງ.
ຂໍ້ອ້າງອີງພຣະຄຳພີທີ່ກ່ຽວຂ້ອງຈະຢູ່ໃນວົງເລັບ.
ບາງເທື່ອຂໍ້ມູນກ່ຽວກັບເລື່ອງໃດເລື່ອງໜຶ່ງຈະບໍ່ຢູ່ໃນຫົວຂໍ້ທີ່ທ່ານຄົ້ນຫາ. ຄຳວ່າ ເບິ່ງ ທີ່ເປັນຕົວເນີ້ງຈະພາທ່ານໄປຫາຫົວຂໍ້ທີ່ມີຂໍ້ມູນດັ່ງກ່າວ.
ບາງເທື່ອຫົວຂໍ້ອື່ນໆຢູ່ໃນຄູ່ມືມີຂໍ້ມູນທີ່ກ່ຽວຂ້ອງກັບຫົວຂໍ້ທີ່ທ່ານກຳລັງສຶກສາ. ຄຳວ່າ ເບິ່ງ … ນຳອີກ ທີ່ເປັນຕົວເນີ້ງ ຈະພາທ່ານໄປຫາຫົວຂໍ້ທີ່ກ່ຽວຂ້ອງເຫລົ່ານັ້ນ.
ຂໍ້ອ້າງອີງພຣະຄຳພີທີ່ຊ່ວຍທ່ານໃຫ້ເຂົ້າໃຈຄວາມໝາຍທີ່ຢູ່ໃນວົງເລັບ.
ຂໍ້ອ້າງອີງພຣະຄຳພີແຕ່ລະຂໍ້ຈະຢູ່ຂ້າງຫລັງຂໍ້ຄວາມສັ້ນໆທີ່ຍົກມາຈາກພຣະຄຳພີ ຫລື ຂໍ້ຄວາມສະຫລຸບຂອງພຣະຄຳພີ.
ຄຳວ່າ ເບິ່ງ ທີ່ເປັນຕົວເນີ້ງ (ຫລື ເບິ່ງ … ນຳອີກ) ຕິດຕາມດ້ວຍເຄື່ອງໝາຍຂີດ ຈະບອກທ່ານວ່າ ຂໍ້ມູນນັ້ນຢູ່ໃນຫົວຂໍ້ຫຍ່ອຍ (“ທີ່ສຸດຂອງໂລກ”) ຂອງຫົວຂໍ້ໃຫຍ່ (“ໂລກ”).
© 2019 by Intellectual Reserve, Inc. All rights reserved. Source: 2015/03/24